Puisit amii akitsoqqittut
Amernik akitsorterussineq naammassineqartorlu Great Greenland taama inerniliivoq. Ammit ilaasa akii malunnartumik qaffariarujussuarput ammillu aalajangersimasut marloriaammik akeqalerlutik.
AAMMA ATUARUK Pisortanngortoq amernik amerlanerusunik pissarsiniassaaq
- Akit niuffaffinni qaffakkiartornerisa ersiutigaat arlaqarnerusut puisit amiisa pitsaassusaat paasilersimammatigit, Great Greenlandip pisortaa Ditte Sorknæs taama oqarpoq.
Puisilli amii amigaatigineqarmata Great Greenland aatsaat maajimi amernik akitsorterussisunukaqqissaaq.
Great Greenlandimut ukiuni kingullerni unammilligassat annersarisimavaat naammattunik puisit amersisinnaaneq. Ingammillu ammit pitsaanerpaat pissarsiariuminaassimapput,
ammit tamakku tassaapput nunat assigiinngitsut akornanni piumanerqarnerpaasut.
AAMMA ATUARUK Puisit amii tunineqartartut ikiliartortut
Aataat amii 2017-imi 29 procentimik qaffariarput, natsiit amii angisuut 55 procentimik qaffattut, natsiilli amiisa mikisut akitik pigiinnarpaat.
