Print-on-demand unitsilerpaat
Tele Post ukiuni marlunni kingullerni aviisinik ullormut saqqummersartunik naqiterisareerluni unitsitsilerput. Aviisinik Danmarkimeersunik nunanillu allaneersunik naqiterisarneq juulip naanerani taamaatissaaq.
Allattoq Najaaraq Egede
juunip 23-at 2011 15:30
TELE-POST aalajangerpoq Danmarkimi nunanilu allani aviisit ullormut saqqummersartut naqiteqqittarnerat unitsinniarlugu. Naqiterisarneq Nuummi pisisartunuinnaq atuussimasoq juulip 31-ani taamaatissaaq.
Aviisinik naqiterisarneq Ukiut marluk matuma siorna aallartimmat suliffeqarfiup naatsorsuutigisimasaanut naleqqiulluni, piffissami kingullermi pisisoqartarneq naammaginarsimanngilaq.
Aviisinik TELE-POST-imiit ullormut saqqummersinneqartartunik pisartagallit, aviisimik Danmarkimi nunamiluunniit allami pisartagaqarfimminninngaanniit pisartagaqalissapput.
TELE-POST-ip aviisit Kalaallit Nunaanneersut, Danmarkimeersut nunaniillu allaneersut tikinniariaraangata pisarnermisut immikkoortitertassagai aamma neriorsuutigineqarpoq.
