Prins Christian Danmarkip tunngaviusumik inatsisaanik eqquutsitsiniarnini uppernarsarlugu atsiortoq

Naalagaaffimmi qullersanut ilanngunneq siunertaqartariaqartoq, oqaluttarisaanermik immikkut ilisimasalik oqarpoq. Prins Christianimi naalagaaffimmi qullersanut marlunngornermi ilannguppoq.

Allattoq Ritzau

novembarip 14-at 2023 08:57

Nutserisoq Mads Lynge

Prins Christian 18-ileereersorlu, taamalu inersimasunngorluni, Danmarkip tunngaviusumik inatsisaanik eqquutsitsiniarnini uppernarsarlugu marlunngornermi atsiussavaa.

Naalagaaffimmi isumasioqatigiinnermi tamanna marlunngornermi pissaaq, ataqqinartorsuaq dronningi aamma peqataassalluni.

Prins Christian dronning Margrethep kunngissallu Frederiup peqannginneranni naalagaaffiup qullersaatut taamaasilluni atuussinnaalissaaq.

Aamma atuarukAngititaq Motzfeldt tupappoq: Kunngissamit ilisarineqarpoq

Taamatulli siunissami ungasinnerusumi aatsaat pisoqarsinnaassagunarpoq.

Professionshøjskolen Absalonimi lektori kunngikkormiunillu immikkut ilisimasalik, Lars Hovbakke Sørensen, taama naliliivoq.

Prins Christian naalagaaffimmi qullersaasinnaasut akornanni normu 4-tut inissisimavoq. Prins Joachimimi, prinsesse Benediktelu, kunngissallu nulia Mary qullersatut tulleriiarinermi atuussinnaapput, kunngissarlu Frederik naalagaaffimmi isumasioqatigiinnermi kunngitut inissisimassalluni.

Aamma atuarukKronprinsesse Mary: Meeqqatta prinsetut prinsessetullu taaguutaat isumaliutiginikuuagut

Dronning Magrethe kunngissarlu Frederik Prins Christian naalagaaffimmi isumasioqatigiinnermi pisortatigoortumik marlunngornermi atsiulerpat peqataassapput.

Taamaasilluni Danmarkip oqaluttuarisaanerani kinguaariit pingasut naalagaaffimmi isumasioqatigiinnermi siullerpaamik peqataassasut, kunngikkormiut tusagassiorfinnut nalunaarput.

Nutaarsiassami kukkunermik nassaarsimaguit uunga allaffigineqarsinnaavugut.