Nuummi ujaasineq iluatsilluartoq
Nukappiaraq 14-inik Nuummi tallimanngornermi tammaaneqarmat annaassiniartartut ujaasisimapput.
Nukappiaraq pineqartoq angerlarsimaffimminit ualikkut anisimavoq, politiillu qatserisartut peqatigalugit unnukkut nalunaaqutaq arfineq-pingasut qaangeraa tanneq pingasunut ujaasilerlutik.
Kalaallit Nunaanni Politiini pigaartut pisortaat Jeppe Andsager KNR-imut taama ilisimatitsivoq.
Politiit qatserisartullu pineqaatissinneqarsimasut inissinneqartarfiata nalaani Quassussuullu Cirkussøllu nalaani ujaasipput, nukappiaqqamillu ujaasisoqarmat droneq ilaatigut atorneqarsimalluni.
Ujaasinerlu iluatsilluarpoq. Nukappiararmi ajunngitsoq Quassussuup tunuani Kuanninnguani unnuaq nalunaaqutaq marlunut qiteqqutiliivinnerani nassaarivaat, ilaquttaminullu angerlarluni.
