Politimesteri imigassanik matusineq pillugu: Akissarsisoqarnissaa ernummatigaarput
Politiit pigaartui qaammammi januaarimi angerlarsimaffinni eqqissiviilliornernik siornamut sanilliullugu armerlanerusunik nalunaarfigineqarput.
Neriniartarfiit imerniartarfiillu januaarip aqqarnganiit qulinut matusalissasut naalakekrsuisunit piumaffigineqarput.
AAMMA ATUARUK Kommune Qeqertalimmi imigassanik aalakoornartutalinnik maanna aamma inerteqquteqartoqalersoq
2021 2022
Nuna tamakkerlugu: 81 90
Avannaata Kommuni 9 12
Kommuni Qeqertalik 6 5
Qeqqata Kommunia 8 11
Kommuni Kujalleq 10 19
Tusarfik: Kalaallit Nunaanni Politiit
Maannali kommunini tallimaasunit borgmesterit sisamat imigassamik tuniniaaqqusiunnaarnermik Naalakkersuisunut qinnueqarnerata kingorna imigassat matuneqarput.
- Peqqammersut ernumanarnerpaanngillat. Politiimmi jannuaarip qiteqqunnerani ulapinnerpaaneq ajortut misilittakkat takutippaat, politimesteri Bjørn Tegner Bay oqarpoq.
Politiit sapaatit akunnerata naanerani akissarsisoqarnissaa ernummatigigaat
Imigassat matugallarneqarnissaannut januaarip qiteqqunnerata nalaani angerlarsimaffinni eqqissiviilliornernut attuumassuteqarpallanngitsut borgmesterit oqaatigaat, politimesteri oqarpoq.
Uanili sapaatit akunnerata naanerani qaammammusinissat sulinngiffeqarnermilu akissarsiassat tunniunneqarnissaat isiginiarneqarpoq.
AAMMA ATUARUK Borgmesterit imigassaarniaqqusinnginnermut: Fase 3-miippugut fase 4 ajornerpaajusoq
Eqqissiviilliornerilli ilungersunartorsiutituaanngillat. Sulisummi arlaqartut coronamik eqqugaaqqallutik sulisinnaanatit nalunaartartut arlaqarput. Aamma peqqinnissaqarfimmi, tassalu suliffeqarfiit marluk pingaaruteqarluinnartut sulisoqarnikkut unammillernartumik inissisimapput.
Tamannalu peqqutigalugu imigassanik aalakoornartortalinnik tuniniaajunnaarallarnissaq borgmesterit Naalakkersuisunut piumasaraat:
- Jannuaarilli naanerani sapaatit akunnerata naanissaa ernumassutiginerpaavarput. Inuimmi qaammammusinerata nalaani sapaatit akunnerat naasussaammat. Taamaalineranimi ikiorsiissutit, aningaasarsiat, utoqqalinersiat sulinngiffeqarnermilu aningaasarsiat piffissap sivikitsup ingerlanerinnaani tunniunneqartussaapput, Bjørn Tegner Bay oqarpoq.
- Ukiut siuliini pisartut eqqarsaatigalugit pissutsit imigassartorsimasoqartillugu ilungersunarnerusarput.
Politiit coronamik eqqugaaqataasut
- Nunarput tamarmi assigalugu politiit aamma coronamik eqqugaaqqapput.
Imigassanik aalakoornartortalinnik tuniniaaneq unitsinneqanngippat, poitiillu sulisui amigarpata, unammilligassat maannamit amerlanerussapput.
- Uagullu politiit sulisutsinnut aamma qiviassagutta sulisugut coronamik eqqugaanikuummata aamma sulisut arlallit napparsimallutik sulisinnaanngillat, tamannalu uatsinnut ulapititsivoq, Bjørn Tegner Bay oqarpoq.