Politikeri: Torersumik oqallitsiarta
Ambulancit takkutiaarnerusimasuugaluarpata suli inuusimassagaluarpoq. Portørit ambulancit ilaquttaminnut taxatut atortarpaat.
Ilaatigut tamakkuupput inuit nittartakkani attaveqaqatigiittarfikkut facebookikkut saqqummiussaat, tamannalu unitsinneqartariaqartoq Anna Wangenheim isumaqarpoq.
- Tamanna sulisunut ajortumik kinguneqartitsisinnaavoq. Suliffimmi isumannaallisaanermut pissutsinik kalluaasussaagami sulisunullu ajortumik sunniuteqarsinnaalluni.
Inuit naammagittaalliussatillutik arlaanniluunniit anngussassaqartillutik sumut saaffiginnissanerlutik nalornisarnerat, ajornartorsiutini ajornersaasoq, taanna isumaqarpoq.
- Innuttaasut sumut maalaaruteqarnissaminnut nalornigaangamik, facebook maalaaruteqarfissatut atorneqartartoq isumaqarpunga.
AAMMA ATUARUK Peqqinnissaqarfiup Aqutsisoqarfia piareersaateqartoq
Inuit naammagittaalliuutissaqartillutik, iluaagisaqarsimatillutilluunniit facebookkikkut naammagittaalliortarnerat erseraluttuinnartoq, aamma Inuiaqatigiilerinermik, Aningaasaqarnermik Tusagassiornermillu Ilisimatusarfimmi ilisimatusartup Signe Ravnip maluginiarpaa. Inuit umeruap saavaniit isornartorsiuinissaminnut sapiinnerusartut taanna isumaqarpoq.
- Naammagittaalliornerit inummik aalajangersimasumik pisuutitsinermik kinguneqaleraangata ajornartorsiutinngortarput. Taakkulu imminnut illersorsinnaaneq ajorput, Signe Ravn oqarpoq.
Isornartorsiuinerit kingunerlutitsisinnaasut
Pisortat suliffeqarfiutaanni sulisussaaleqineq ajornartorsiutaareertigisoq, suliffeqarfinnut taamatut inuit attaveqaqatigittarfiisigut naammagittaalliornerit iluaqutaanngitsut demokraatineersoq isumaqarpoq.
- Tassa kingunerisinnaavaa sulisunut suliunnaartitsinermik kinguneqarsinnaasoq. Taavalu vikarit avataaniit suliartortartut ikileriarsinnaapput. Kinami suli suliartorusussava taamatut maalaarusiortoqartuartillugu?! Taavalu eqqaarusuppara sulisut nipangersimasussaatitaapput taakkulu illersorneqarnissamikkut ajornartorsiutigisinnaavaa.
AAMMA ATUARUK Manglende børnepolitik skyldes personalemangel
Anna Wangenheim tusagassiortunut nalunaarumminni akisussaaqataanerup torersumillu oqalliseqatigiissinnaanerup ersarinnerutinnissaa kaammattuutigaa, facebookikkut ilisiitsumik malersuinerit pinngikkaluarlugit.