PK: Naalakkersuisut anguniagaat piukkoorpallaarput

Naalakkersuisunngortussat politikkiat naammassisinnaanngisanik anguniagaqarput maannakkulli peqqinnissaqarfinni sulisorisat eqqarsaatigalugit anguniakkat piviusunngussappata sulisussat tungaatigut unamminartorujussuussaaq, Peqqissaasut Kattuffiani siulittaasoq taama oqarpoq.

Inuuti Fleischer Naalakkersuisunngortussat isumaqatigiissutaat atuaqqaaramiuk isumalluarpallaanngikkaluarluni qanoq pisoqarnissaa piffissap takutikkumaaraa isumaqarpoq:

- Massakkut ukua takuinnarlugit ilaatigut ilai piviusorsiorpalaartutut nalilinnginnatsigit, kisianni atagu taakkua periarfissilaartigit Naalakkersuisut nutaat, inissippata taava oqaloqatigiinnerput aallartissinnaavoq, Peqqissaasut Kattuffianni siulittaasoq Inuuti Fleischer KNR-mut taama oqarpoq, taassumalu oqaatigaa suleqatigiinnissaq ikioqatigiinnissarlu peqqinnissamut naalakkersuisuusimasup naammassilluagaa aamma naalakkersuisunngortup maanna naammassilluassagaa.

Tassani piviusorsiunngitsutut isigisaa tassaavoq Naalakkersuisut isumaqatigiissutaanni qupperneq 16-mi allermi allanneqarsimasumi ilaasoq ima allassimasoq "Nuummi immikkut nuummiunut napparsimaveqalernissa nakorsiartarfiulluunniit aapperneqarsinnaanera Naalakkersuisooqatigiit sulissutiginiarpaat".

Tamassumap piviusunngortinnissaa Peqqissaasut Kattuffiani Siulittaasup ajornassangatippaa:

- Tassa apeqquterujussuuvoq, naluneqanngilaq sulisussarsiortuartoq peqqinnissaqarfik aammalu ilaatigut suliffiit inuttaqanngittut inuttaleruminaattuusut, taamaattumik unamminartorujussuusussaassoq nuummi napparsimaviliorniarunik, atorfiit maanna pioreersut tamakkiisumik inuttalerneqarsinnaannginnerat eqqarsaatigalugu, Peqqissaasut Kattuffianni Siulittaasoq Inuuti Fleischer KNR-mut taama oqarpoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat