Pituffimmut misissuineq arlaannaanulluunniit attuumassuteqanngisaannassaaq

Misissuineq arlaannaanulluunniit attuumassuteqassanngippat, taava ataatsimiititalialiortoqartariaqarpoq imaluunniit eqqartuussisoq atorneqartariaqarluni.

Ingerlatsinissamut pisinnaatitaanermut lektori, Sten Bønsing misissuititsinermut tunngasumut taama oqaaseqarpoq, misissuisitsineq maanna uninngatikkallarneqarpoq ileqquusut pillugit maleruaqqusani Pituffimmut tunngatillugu inatsisilerituup Ole Spiermannip suliaminut attuumassuteqarneragaanera pillugu.

Sten Bønsingillu inatsisilerituut siornatigut sulianut tunngasunut suliaqareersimagaluartut misissuisitsinernut atorneqarnerat eqqumiitsusut isigisinngilaa. 

Aamma atuaruk Pituffimmut tunngatillugu misissuititsineq kinguaattoortoq

Pituffimmut misissuinermi tunngatillugu suliamut attuumassuteqanngivissumik kiffartuussinissamut isumaqatigiissutip annaaneqarneranut suliap ingerlaneranik nassuiaanneqassagutta isumalluarpalaannginneruvoq.

Aalborgip Universititiani ingerlatsinermut lektori, Sten Bøsing taama oqaaseqarpoq.

-Suliani taamaattuni arlaannaanulluunniit attuumassuteqarani misissuinermut tunngatillugu oqaaseqarniarneq ajornakusoorpoq,  misissuinermut ataatsimiititaliornikkut imaluunniit eqqartuussisumit misissuititsinermut tunnganngippata. 

Sten Bønsing misissuinermut suliaq itinerusumik ilisimasaqarfiginnginnamiuk naliginnaasumik oqaaseqarnini naqissuserpaa.

Akilikkat suliaminnut attuumassuteqalertarput

Eqqartuussissuserisut arlaannaanulluunniit attuumassuteqanngitsuuissinnaanngilaq uanilu pineqartumi - Namminersorlutik Oqartussanit akilerneqarluni sulinermini suliaminut attuumassuteqalertarmat. 

Pituffimmi kiffartuussinissamut isumaqatiissusiornermut misissuinersuaq uninngatinneqarallarpoq, eqqartuussissuserisup Ole Spiermannip sulinermini suliaminut attuumassuteqannginnera nalornisigineqalermat. 

Spiermannimi siornatigut Namminersorlutik Oqartussanut inatsisilerinermut tunngasunik suliaqartareerpoq. 

Sten Bøsingip eqqartuussissuserisut misissuinernut arlaannaanulluunniit attuumassuteqanngitsunut atorneqartarnerat akornutissaqanngitsutut isigaa, naak siornatigut suliaminnut attuumassuteqartareeraluartut.

Taamaaliornerli ajutoornermik kinguneqarsinnaasoq, Sten Bønsing oqarpoq.

- Misissuisitsisumut inerniliussanik kusassakkanik misissuisumiit tunniussisoqarsinnaanera navianaataasinnaavoq, piviusorsiussaguma tamanna ajornartoqartinngilara, kisianni inerniliussani akerliliisunik naammattuuisinnaapput.

Maannakkullu tassunga eqqartuussissuserisumut misissuineq ingerlavoq, apriilillu qaammataata ingerlanerani eqqartuussissuserisut aalajangiisartut akissuteqassasut ilimagineqarput.