PITUFFIK Pituffik pillugu nalunaarusiap imarisai paasineqartussanngorput

Pituffimmi kiffartuussinissamut isumaqatigiissutip annaaneqarneranut eqqartussissuserisup Ole Spiermannip nalunaarusiaata inerniliussai innuttaasunit ilisimaneqartussanngorput.

Tassami pineqartoq imaannaanngitsoq pillugu KNR-ip allagaatinik takunnissinnaanermik qinnuteqaataa Namminersorlutik Oqartussanit akuerineqartoq aqagulu tunniunneqartussanngortoq, Namminersorlutik Oqartussanit ullumi nalunaarutigineqarpoq.

Pituffimmi kiffartuussinissamut isumaqatigiissutip isertitaqarfioqisup Exelis Services A/S-imit tiguneqaraluarnera pillugu kikkut akisussaasuunersut nalunaarusiamit utaqqisaaqisumit paasissutigineqartussaassaaq.

Aamma atuaruk Olsvig: Eqqartuussissuserisumik misissuisitsinerup inerneranik saqqummiussisoqartariaqaraluarpoq

Aamma atuaruk Kielsen: Pituffik pillugu misissuinerup inernera tusarniutigineqaqqaassaaq

Exelis Services A/S-ip kiffartuussinissamut isumaqatigiissut tigunnginnerani isumaqatigiissut suliffeqarfimmit Nunatsinneersumit Danmarkiminngaanneersumilluunniit tiguneqartaraluarpoq.

Suliariumannittussarsiornermili piumasaqaatini oqaasertaliussaq allanngortinneqarmat, suliffeqarfik Exilis Services A/S Danmarkimi allattorsimasoq, amerikamiunilli Vectrus A/S-imit pigineqartoq, isumaqatigiissut isertitaqarfioqisoq tiguneqarpoq.

Aamma atuaruk Pituffimmi kiffartuussinissamik isumaqatigiissut Exelis Servicesip annaavaa

Oqaasertaliussaq taanna Nunatsinnit suleqatigiiffigineqarpoq akuerineqarlunilu. Piginnittuusimasup Greenland Contractorsip Nunatta pingajorarterutaa piginneqataaffigimmagu, Nunatta ukiumut 200 millionit koruuninik annaasaqaatigisussaagaluarpaa.

Taamaattoq Nunatsinnit akisussaassusermik maannamut tiguserusuttoqanngilaq.

Naalakkersuisut eqqartuussissuserisoq nalunaarusiortippaat.

Aamma atuaruk Spiermannip Pituffik pillugu nassuiasiaa piareeerpoq

Exelisip isumaqatigiissuteqarnera amerikamiut eqqartuussisuinit annernit tamatuma kingorna atorunnaarsinneqarpoq, taamaammallu Greenland Contractorsip isumaqatigiissuutaa sivitsorneqarluni.

Aamma atuaruk Greenland Contractors Pituffik pillugu nutaamik isumaqatigiissusiortoq