Pinngitsaaliinermik suliat pingasut Nunatta Eqqartuussisuuneqarfianut suliareqqitassanngortut
Eqqartuussinerit tulleriit pinngitsaaliinermik aallaaveqartut qaammammi kingullermi eqqartuussivimmi suliarineqarsimapput, suliallu pingasut assigiimmik inerneqarsimallutik tassalu unnerluussisussaatitaasut imaluunniit illersuisut sapaatit akunnerini marlunni eqqarsarfissaqarumasimallutik.
Suliani pingasuni tamani eqqarsarfissaq Nunatta Eqqartuussisuuneqarfianut suliareqqitassanngortitsinermik inerneqarsimapput.
Suliareqqitassanngortinneqartuni pingasuusuni marluk ilaatigut meeqqamik pinngitsaaliisimanermut tunngassuteqarput, taakkunanilu unnerluussisussaatitaasut eqqartuussiviup aalajangernera suliareqqitassanngortippaat. Suliaq kingullermik arnamik inersimasumik pinngitsaaliisimanermut tunngassuteqarpoq illersuisumiillu suliareqqitassanngortinneqarsimalluni.
Ukiorpassuarni pinerluuteqarsimasunut inissiisarfimmi
Tasiilamit suliami angut 22-nik ukiulik unnerluutigineqarpoq. Unnerluussutit allattorsimaffiat malillugu ilaatigut meeqqanik aqqaneq marluk inorlugit ukiulinnik pinngitsaaliisimasutut unnerluutigineqarpoq. Suliank katillugit arfineq pingasunik unnerluutigineqarpoq, unnerluussutigineqartuni arfinillit pinngitsaaliinermut, kannguttaalliorfiginninnermut aamma-imaluunniit kujanninnermik meerartaqartunik takusassiaateqarnermut tunngassuteqarlutik
Suliaq Eqqartuussiveqarfimmi Sermersuumi suliarineqarmat angut ukiuni marlunni qaammatinilu arfinilinni pinerluuteqarsimasunut inissiisarfimmiittussanngortinneqarpoq. Eqqartuussut unnerluussisumit Morten Grimm Hvergelimit eqqartuussinerup kinguninngua tupigusuutigineqartoq.
Sapaatit akunnerini marlunnni eqqarsarfissaq naammat unnerluussisoq KNR-imut oqarpoq:
- Suliaq suliareqqitassanngortipparput Eqqartuussiveqarfik Sermersuumi unnerluutigineqartumut unnerluutiginnissutigineqartut assingannik eqqartuunneqarnissaa piumasaralugu, oqarpoq.
Unnerluussisummi ukiuni sisamani pinerluuteqarsimasunut inissiisarfimmiittussanngortinniarpaa.
Suliaq Eqqartuussiveqarfimmi Sermersuumi suliarineqarmat angut ukiuni marlunni qaammatinilu arfinilinni pinerluuteqarsimasunut inissiisarfimmiittussanngortinneqarpoq. Eqqartuussut unnerluussisumit Morten Grimm Hvergelimit eqqartuussinerup kinguninngua tupigusuutigineqartoq.
Sapaatit akunnerini marlunnni eqqarsarfissaq naammat unnerluussisoq KNR-imut oqarpoq:
- Suliaq suliareqqitassanngortipparput Eqqartuussiveqarfik Sermersuumi unnerluutigineqartumut unnerluutiginnissutigineqartut assingannik eqqartuunneqarnissaa piumasaralugu, oqarpoq.
Unnerluussisummi ukiuni sisamani pinerluuteqarsimasunut inissiisarfimmiittussanngortinniarpaa.
Eqqartuussutip allanngortinnissaanut periarfissaq
Tasiilami suliap saniatigut pinngitsaaliinermik suliat marluk Nunatta Eqqartuussisuuneqarfianut suliareqqitassanngortinneqarsimasut suliani unnerluussisut marluk ilisimatitsipput.
Suliap aappaa Aasianni Eqqartuussiveqarfik Qaasuitsumi ingerlanneqarsimasoq meeqqamik 15-it inorlugit ukiulimmik pinngitsaaliinermut tunngassuteqarpoq. Suliami angut niviarsiaqqamut aqqaneq marlunnik ukioqarneranit 15-inik ukioqalernissaata tungaanut piffissami 2006-imit 2009-mut pinngitsaaliisarsimasutut unnerluutigineqarpoq.
Eqqartuussivimmi angut pinngitsuutinneqarpoq, suliamilu unnerluussisup Martin Strandby Nielsenip unnerluussisussaatitaasut sinnerlugit suliaq suliareqqitassanngortippaa ukiuni pingasuni qaammatinilu arfinilinni pinerluuteqarsimasunut inissiisarfimmiittussanngortinneqarnissaa piumasaqaatigalugu.
Suliat pingajuat Nuummi arnamik 31-nik ukiulimmik ukioq manna maajimi pinngitsaaliisimanermut tunngassuteqarpoq.
Matumani unnerluutigineqartoq 26-nik ukiulik ukiumi ataatsimi qaammatinilu qulingiluani pinerluuteqarsimasunut inissiisarfimmiittussanngorlugu eqqartuussivimmit eqqartuunneqarnerata kingorna illersuisoq suliamik Nunatta Eqqartuussisuuneqarfianut suliareqqitassanngortitsivoq.
Suliat taakku pingasut Nunatta Eqqartuussisuuneqarfiani qaqugu suliarineqassanersut eqqartuussivimmit suli ullulerneqanngillat, taamaammallu unnerluussisut, illersuisut unnerluutigineqartullu naammagittartariaqassallutik
