Pilersuisoq pisisartuminik annaasaqarpoq

Pilersuisumut pisiniartartut ukiut tamaasa 200-t 300-llu akornannik ikileriartarput. Tamannalu niuertarfimmut akisuvoq.

Pilersuisup nunaqarfinni illoqarfinnilu niuiertarfii unammillerteqarpianngillat. Unammillertaali tassaanerulluni illoqarfinniit nunaqarfinniillu inuit nutsertut amerliartorneri.

Tamannalu pissutigalugu, Pilersuisup kaaviiaartitai ukiumut 10 millioner koruuninik ikileriartartut, KNI-p aningaasaqarnermut pisortaa, Jan H. Lynge Petersen, KNI-p atuagassiaanut Paartumut oqarpoq. Tassalu ukiut tamaasa isertitat 2 millioner koruunit 3 millioner koruunillu akornanni ikileriartartut oqarluni.

Læs også Najugaqarfiit ima mianerisariaqartigivoq

KNI-p aningaasaqarnermut pisortaata, Jan H. Lynge Petersenip nassuiarpaa, unammillernartoq tassaammat, sumiiffinni pisiniat ikilineranni imminullu akilersinnaajunnaalernerani, KNI kisimiilluni aalajangiisinnaanngimmnat sumiiffinni Pilersuisup atorunnaarsinneqarnissaa oqarluni taama aalajangerneq politikerit kisimik aalajangigassarigaat.

Aningasaqarnermut pisortaq aamma oqarpoq, sumiiffinni niuertarfiit ukiorpassuarni iluarsartuunneqarneq ajortut tamanna akissaqartinneqartanngimmat. Tamannalu pissutigalugu aserfallatsaaliuinermi kinguaattoorutit 300 millioner koruuninik nalileqartut pisortaq aamma oqarpoq.

Læs også Nunaqarfik pisiniarfeqanngitsoq pilersorneqarusuppoq

KNI-milli oqaatigineqarpoq, aserfallatsaaliugassatigut isumagisassat ukiut 15-nit ingerlaneranni isumagineqarnissaat siunniunneqartoq.

- Inuilli nutserarnerat ukiuni kingullernisut annertussuseqassappat, kiffartuussisussaatitaanertsinnut akiliutigineqartartut qaffattariaqalissapput, KNI-p aningaasaqarnermut pisortaa, Jan H. Lynge Petersen atuagassiamut Paartumut oqarpoq.