Pia Kjærsgaard Folketingimi siulittaasuujunnaartoq
Folketingimut sapaatit akunnerata siuliani qinersinermi partiit talerperliit amerlanerussuteqarunnaarnerisa kingorna taama pisoqartussanngorpoq.
Pi Kjærsgaard Folketingimi katersuutitsinani partiinit avissaartuutitsisutut isornartorsiorlugu allamik taarserneqarnissaa partiinit saamerlinit arlalinnit qangali kissaatigineqarpoq.
AAMMA ATUARUK Pia Kjærsgaard Islandimi kissaammertitsisoq
Aamma aqutseriaatsimini politikkersorpallaarnerarlugu isummamigullu qanganisarpaluttuunerarlugu partiinit saamerlernit isornartorsiorneqartarpoq.
Pia Kjærsgaardili aamma nersualaarneqartarpoq.
Siuttaasuunermini Folketingip ataatsimiittarfissuata nutarsarneqarnissaa sulisssutigivaa, inuit issiavinnik kaassuartakkanik atuisut oqalugiartarfimmut qaqisinnaalersillugit Christiansborgimilu angalasinnaanngorlugit.
Folketingi oktobarimi ataatsimiilerpat siulittaasumik nutaamik toqqaasoqassaaq.
AAMMA ATUARUK Folketingimut qinigaasut 179-it kikkuunersut takuuk
