ArkivAssi: Hasse Ferrol/Flickr Creative Commons

Pia Kjærsgaard Islandimi kissaammertitsisoq

Islandip namminersornerup ulluanik pingasunngornermi nalliuttorsiorneranut atatillugu Folketingimi siulittaasup Pia Kjærsgaardip oqalugiarnera kamaatigineqarlunilu peqqusinnginnermik kinguneqarpoq. Politikken taama allaaserisaqarpoq.

Islandip danskit kunngeqarfianit anineranit ukiut hunnorujunngortorsiorneranut atatillugu Folketingip siulittaasua, Pia Kjærsgaard Altingetimi oqalugiartussatut qaaqquneqarpoq. Ulloq nalliuttorsiorfiugaluartoq Pia Kjærsgaardip peqataanera avissaartuuffiuvoq.

Samfylkingin partimi ilaasortaq, Helga Vala Helgadóttir Piap oqalugiarnerata nalaani anivoq. Taassuma partiiani siulittaasup, Logi Einarssonip Kjærsgaardip oqalugiarnera aamma nuannaarutiginngilaa.

- Europami nunami allami allamiunut akeqqersimaarnerpaaq ullormi pingaaruteqartumi oqalugiarsinnaatitaammat ajuusaarnaqaaq, Logi Einarsson oqartoq, Politiken allappoq.

Piraterne partiimi ilaasortat arlaqartut Kjærsgaardip oqalugiarnissaa tusaaniarnagu aalajangereersimavaat. Partiip Dansk Folkepartip nunami allamiunut politikkianut aamma isornartorsiuipput.

-  Fascisme, ammip qalipaataa tunngavigalugu nikassaaneq, takornartanik uumissuineq, inuinnaat naalakkersuisooqataanerannut akerliunermi naleqartitat assigiinngitsorpassuusut nunarsuarmi tamarmi maanna takuarput tamannalu nunamut tullerisatsinnut soorlu Danmarkimut aamma siaruaattoq takuvarput, partiip inatsisartuni siulittaasua Thórhildur Sunna Ævarsdóttir oqarpoq.

Altingetip siulittaasuata Steingrímur J. Sigfússonip oqalugiarnermini Pia Kjærsgaard Folketingimit sinniisutut tikilluaqqugaa, Politiken allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat