Qulaarpaa Peqqissaasut amerlasuut taartaasut
![](/sites/default/files/styles/image_934x467/public/article_images/qaanaaq_1.jpg?itok=FZubESA2)
- Tassa atornerusarparput allagartanik nivinngaalluta sulisussarsiorluta imaluunniit sianeqattaarluta emailitigut saaffingalugit nalunngisagut aamma nalunngeriikkagut maanilu sulisut nalunngeriigaat peqqissaasut saaffigikkajuttarpagut.
Taama avannaani peqqinnissaqarfimmi peqqissaasut pisortaat Arnanguak Blytmann nassuiaavoq. Taanna avannaani peqqinnissaqarfimmi sulisussaqarniarneq suliarisimavaa. Peqqissaasunik Qaaanaami peqqinnissaqarfimmi sulisussanik pissarsinissaq ajornarnerpaasarpoq paasiniaanikkullu sulisussarsiortarlutik.
- Nalunngeriikkagut immaqalu siornatigut qinnuteqarsimasut apersorlugit sianerfigalugit Arnanguak Blytmann oqarpoq.
Aamma atuaruk Qulaarpaa Nakorsat taarseraannerat naammaginanngitsoq
Ilulissani qitiusumik napparsimmavik Arnanguak Blytmann naapertorlugu peqqissaasunik sulisoqarnissaa ajornarsimanngilaq. Sulisulli affai taartaapput.
KNR-i nunatsinni peqqinnissaqarfinnut paasiniaasimavoq, paasineqarporlu peqqissaasut 30 procentii taartaasuusut. Tamanna nakorsartinnerup pitsaassusaanut sunniissasoq, peqqissaasut kattuffiani siulittaasoq Olga P. Bertelsen isumaqarpoq.
Aamma atuaruk Qulaarpaa Nakorsat taarseraannerat napparsimasunut nalornisitsinerulerpoq
- Taartaasoqartarnerup napparsimasut isumannaassussaannut sunniissarpoq, napparsimasullu sullinneqarnerisa pitsaassusaat innarlertarlugu, naak tamanna peqqissaasup suliassaringaluaraa, Olga P. Bertelsen oqarpoq.
Arnanguak Blytmannilu aamma taama isumaqarpoq.
- Inuit assigiinngitsut tikerarnerat taakkulu inuit tikittartut piginnaasaat aamma soorunami apeqqutaasarput kinaaneranut qanorlu pissuseqarneranut. Ilaasa iliuuserisartagaat inuttaanut aallaaveqartorujuusinnaasaramik.
Avannaani peqqinnissaqarfimmi peqqissaasut pisortaat Arnanguak Blytmann oqarpoq.