Sara Olsvig: Peqqissaarpallaannginneq - pissaaneqarniuppallaarneq
- Nunatsinni politikimik ingerlatsineq ”akersuunnersuarmik” anersaaqarluni, pissaaneqarniulluni pissaaneqarussutsimillu nittarsaassiniarnermik imaqarpallaarpoq. Paasinnittaasera naapertorlugu tamat oqartussaaqataaneranni ikinnerussuteqartut aamma inissaqartinneqartariaqarput, minnerunngitsumillu oqaloqatigiinneq naalaarsinnaassuseq pingaaruteqarpoq. Tamanna inatsisartoqarnerup isumagimmagu, Sara Olsvig oqarpoq.
AAMMA ATUARUK Politikeri nuannarineqarluartoq inuulluaqqusivoq
Peqqissaarneq amigaataasoq taanna isumaqarpoq, mittarfiliortitsernissarlu pillugu inatsisissamik suliaq taamaatinniarnermini naggataatigut aalajangiisuusoq.
Inatsisissatut siunnersuummik isornartorsiuisut kinguarsaasuunerangaanerarpai, pissaaneqarniuunnermilu peqqissaarneq tammartoq isumaqarluni.
AAMMA ATUARUK Sara Olsvig Inuit Ataqatigiit siulittaasuattut tunuartoq
- Oqaloqatigiinneq, piviusorsiorneq peqqissaarnerlu aallaavigalugit sulineq pingaaruteqarpoq - ullumikkulli sulianik ingerlatsinitsinni amigaataavallaarujussualersimapput, tamannalu inooqataaffigisinnaajunnaarpara. Inuttut killiliinissara anguara, Sara Olsvig oqarpoq.
Politikkimit peqataajunnaarnermigut nunatsinni naalakkersuinikkut qanoq ingerlatsinermik partiit allat eqqarsalersissagai, taanna neriuppoq.