Peqqisaanermi ileqqorissaanermut siunnersuisoqatigiinnik pilersitsisoqalerpoq
- Peqqissaanermi ileqqorissaarnermut siunnersuisoqatigiinnik immikkuullarissumik kissaateqarput.
Kalaallit Nunaanni peqqisaanermi ileqqorissaanermut siunnersuisoqatigiivinik pilersitsisoqalerpoq, tamatuminngalu suliniuteqarneq ulluni marlunni Nummmi isumasioqatigiilluni aallartinneqarpoq.
Suleqaatigiissitap tikkuarpaa, peqqissaasut Nunatsinni ulluinnarni sulinerminni assigiinngissitaartunik ileqqorissaarnissamut tunngassuteqartunik unammilligassaqartarput.
Ileqorissaarnissanermik tunngaveqarluni sulineq pingaartitanik tunngaveqassaaq, pingaartitallu taakkua peqqissaasup sullinneqarluttullu attaveqatigiinnerat taavalu aamma innuttaasut nalinginnaasumik peqqissuunissaat nukittorsassallugu.
- Pingaartitat tamakkua qanoq atussanerigut peqqissaasutullu sulinermut pitsaasumut qanoq atuutilersissanerigut Nunatsinni eqqarsaatigilluassalulgit pingaartuuvoq. Aamma peqqissaanermik suliaqarnermi pingaaruteqartuusunik nunatsinni immikkuulllarissunik pingaartitaqarnersoq, minnerunngitsumillu pingaartitat taamaattut nunatsinni peqqissaanermik suliaqarnermut qanoq ilillugit atuutilersissanerigut oqallisiginissaat pingaatuuvoq. Peqqissaanermik Kattuffimmiit taama allapput.
Norgemi peqqissaanermi ileqqorissaarnissamut siunnersuisoqatigiivinik 1981-mi pilersitsisoqarpoq. Danmarkimi peqqissaanermi ileqqorissarnissannut siunnersuisoqatigiit ukiunik 25-nngortorsioqqammerput, uagullu siunnersuisoqatigeeqalernissarput piffissanngortoq, Peqqissaasut Kattuffiat allappoq.
Peqqissaanermi ileqqorissarnermut siunnersuisoqatigiit Kalaallit Nunaanni ileqqorissaarnermut siunnersuisoqatigiinniit allaanerussutigaa, peqqisaasut immikkut ittunik unammilligassaat immikkut isiginiarneqassammata.
Peqqissutsimut Naalakkersuisoq peqqissaanermi ileqqorissaarnermut siunnersuisoqatigiinnik pilertsinissaq pillugu isumasioqatigiinnermi peqataavoq, siunersuisoqatigiinnillu pilersitsinissamut isummamut tapersersuilluni.
