Peqaarniisaarniarsimasut ilinniartitsisuat oqarpoq

Danmarkimi Østre Landsret-imi Glostrupimut suliassamik taagorneqartumut atatillugu ilisimannittut ullumi apersorneqarput, tassa inuusuit sisamat Europami peqqarniisaarnissamik pilersaarusiorsimasutut unnerluutigineqarneranni. Ilaatigut apersorneqarput unnerluutigineqartut ilaata matematikkimi ilinniartitsisua, tamannalu Danmarkimi qaqutigoortuuvoq.

Amerikami eqqartuussivinni taamaallaat takussaasaraluarpoq. Tassami qanoq igissagaluarparput qallunaat oqaasiinik matematikkimiluunniit ilinniartitsisorput ilisimannittutut aggersarneqartuuppat.

Danskit eqqartuussiviini ilisimannittutut apersorneqartartut tassaasaraluarput suliassamut attuumassuteqarluinnartut, maannali inuup pissusianut ilisimannittut, soorlu ilinniartitsisut inuup ileqqorissusianik pissusianillu ilisimannittut apersorneqartarnerat nalinginnaanngitsorujussuuvoq. Tassami siornatigut taama pisoqarsimaneranik eqqaamasaqanngilagut. Claus Buhr taama paasissutissivoq.

Ilinniartitsisup nammineerluni Politiit Isertortukkut paasiniaasartui saaffigisimavai, isumaqarami atuartoq muslimitut sakkortuunik isummertartoq peqatigitillugulu silappaarissorujussuusoq.