Paul Watson Nuummi tigummigallarneqaannassasoq
![](/sites/default/files/styles/image_934x467/public/2024-08/Paul%20Watson_paa_vej_ud_Haandjern.jpg?itok=fUSx1JDK)
Captain Paul Watson Foundationimik pilersitsisup, Paul Watsonip juulip 21-ani Nuummi tigusarineqartup nunatsinniiginnarnissaa sapaatip akunnerata siorna – aggustip ulluisa 15-ianni – aalajangerneqarpoq.
Nunatsinni eqqartuussiveqarfiit tamanna aalajangerpaat, Nunatta Eqqartuussisuuneqarfiatalu aalajangiineq taanna ullumi aalajangersarpaa.
Kalaallit Nunaanni Politiit tusagassiuutinut nalunaarummi allapput.
73-inik ukiulik, Paul Watson Nuummi umiarsuarminik orsernermini nunanut tamalaanut tigusarinneqqussut pissutigalugu tigusarineqarpoq. Taanna tigusarineqarnermi kingornali Nuummi pineqaatissinneqarsimasunut inissiisarfimmiitsinneqalerpoq.
Taannalu tassunga tunngatillugu eqqartuussivimmi suliap septembarip tallimaani suliarineqarnissaata tungaanut Nuummiiginnassaaq. Suliaq avatangiisinik illersuiniap inummut allamut innarliisimasutut pasineqarnera pissutigalugu Japanimut tunniunneqarnissaanut tunngavoq. Pisoq Japanimi ukiuni 15-ini parnaarussaaneranik kinguneqarsinnaavoq.
Watson Greenpeacemik pilersitseqataasuuvoq, tassungali ilaajunnaarnikuulluni.