Paasissutissanik ingerlatitseqqiisarnerup annertusineqarnissaa kissaatigineqarpoq
Paasissutissannik ingerlatitseeqqiisarnermik aaqqissuussineq Namminersorlutik oqartussani ippassaq atuutilersinneqarpoq.
- Tamanna ingerlariaqqinneruvoq ajunngitsoq, Peqquserluttuliornermik akiuiniarnermut suliniaqatigiffimmi Transparancy Greenlandimi siulittaasoq Anita Hoffer oqarpoq.
Aamma atuaruk Naalakkersuisut whistleblowerimik aaqqiissutaat atulerpoq
Periarfissaq taanna suliffeqarfinni Namminersorlutik Oqartussat pigisaanni aamma atuutilersinneqarnissaa Anita Hofferip kissaatiginartippaa
- Ingerlariaqqinnermik ajunngitsumik oqarninnut tunngavisara tassaavoq periarfissaq taanna maannakkut alloriarnertut siullertut isigigakku tassalu pisortat ingerlatsiviini atuuttussatut aalajangiiffineqarmat, Transpanrency Greenlandimi siulittaasoq Anita Hoffer oqarpoq
Periarfissap maanna atuutilersinneqartup kingunerissassaa tassaavoq atorfillit qarasaasiakkut immikkut ittumik aaqqissuussakkut Aningaasaqarnermut Sulisorisanullu Aqutsisoqarfimmut kinaassusertik isertuullugu naammagittaalliuutiminnik imaluunniit pissusissamisoorsorinngisaminnik apuussisinnaalissapput.
- Suliffeqarfinni Namminersorlutik oqartussanit pigineqartuni aamma piginneqataaffigineqartuni atuutilersinneqarnissaa neriuutigaara qilanaaraluugulu aammalu Kalaallit Nunaanni suliffeqarfinni tamani tamannami maannakkut periarfissaanngimmat, Anita Hoffer oqarpoq.
Paasissutissanik ingerlatitseqqiisarnermik aaqqissuussineq annertunerulersinneqassappat, nalunaarsuiffiit pillugit inatsit allanngortinneqartariaqassaaqq tassani pineqarlutik sulliffeqarfiit namminersortut aamma suliffeqarfiit Namminersorlutik Oqartussanit piginneqataaffigineqartut.
- Pisortani imaluunniit namminersortuni ilisimasanik pigisaqaraanni taakkualu ingerlateqqillugit oqaluttuarigaanni neriuutigaara tamanna ileqquliunneqarumaartoq tamakkiinerusumik ammanerusumillu kinguneqalerluni, Tranparancy Greenlandimi siulittaasoq Anita Hoffer oqarpoq.
