Paamiuni utoqqaat illuat nutaaq
Utoqqaat illuat 24-nik nutaalianik inissalik, ukiut pingasut qaangiupptata 2018-mi pilersaarutit malillugit piariissasoq, Kommuneqarfik Sermersuumit nalunaarutigineqarpoq. 24-nit taakkunannga, inissat arfineq pingasut utertunut naatsorsuussaapput.
Sanaartorneq ukiortaami aallatissaaq, Paamiullu qiterpasissuaniissalluni, napparsimmaviullu sanerpiaani inissisimassalluni. Sanaartornermullu atatillugu illorsuit taakkua marluk akornanni torsuusarsuarmik ataasiulersitsisussamik pilersitsisoqassaaq.
Utoqqaat illuassaat napparsimaviullu errorsisarfii iggaviilu ataatsimut atorneqarnissaat naatsorsuussaavoq.
- Paamiuni utoqqaat illuat ullutsinnut naleqqussagaq qilanaarineqassaaq. Sanaartugaq nutaaq atuleriarpat pitsaassuseq qaffanneqassaaq aamma paaqqutarisarialinnut inissat amerlissapput, utoqqaat paaqqutarisariallit amerliartornerannut pisariaqartitsinermut naapertuuttumik. Aamma qilanaarutigaara utoqqaat illussaanni nutaami puigortunngornermik eqqugaasimasut immikkoortortaannik pilersitsisoqarnissaa, Isumaginninnermut, Suliffeqarnermut Inuussutissarsiornermullu Ataatsimiititami siulittaasoq Malene Lynge (IA) oqarpoq.
Suliassamut tassunga 8,5 millioner koruunit 2016-imi atorneqartussatut illuartinneqarput. Utoqqaat Illuat nutaaq Kommuneqarfik Seermersuumut 53 millioner koruuninik akeqassaaq. Taakkua affaat Namminersorlutik Oqartussanit aningaasalerneqassapput.
