Kalaallit nuuttartut attavigineqapallattarnissaat pisariaqarpoq
Tamanna pisariaqarpoq kalaallimmi Danmarkimut nutsertut maannakkut amerliartuinnarmata, siusinnerusumullu naleqqiullugu nutsertut inuttut assut ajornartorsiortuullutik.
Ukiumut 357-it kalaallit nuuttartut
Kalaallit Nunaanni inunngorsimasut Danmarkimi najugaqartut ukiortaami ukioq manna 16.202-usimapput.
Ukiup ataatsip ingerlanerinnaani 357-nik amerleriarsimallutik.
Aamma atuaruk Peqatigiiffik Aalborgimi kulturimik nutserisortaarusuttoq
Aamma atuaruk Danmarkimi kalaallinut ajornartorsiortunut kommunit ikiuutissaat assigiinngeqisut
Danmarkimi inuunissamut piareersimanngiivillutik kalaallit amerligaluttuinnartut siumuinnaq billetsilerluti kujammukaasarput.
Odensemi kalaallit illutaanni pisortaq, Kirsten Mærsk taama oqaluttuarpoq.
Unammillernartuuvoq amerlasuut Kalaallit Nunaannut uteqqikkusuttanngimmata allamilli qinigassaqannginnamik Danmarkiliartuusarlutik. Tamanna ajornartorsiutinik pilersitsisarpoq.
Aamma atuaruk Ellemannip kalaallinut immikkut suliniutit aqqutissaasorinngilai
Odensimi Kalaallit Illutaat Region Syddanmarkimiittoq tassaavoq ukiumi kingullermi Kalaallit Nunaanniit Danmarkimut nuuttunik amerlanerpaanit nutserfigineqartoq.
Kalaallit nutsertut affangajaat Fynimut Jyllandillu kujataanukartarput.
Paasissutissat
- Kalaallit Nunaanni inunngorsimasut 16.202-t januaarip aallaqqaataani 2016-imi Danmarkimi najugaqarput.
- Kisitsisit januaarip aallaqqaatani 2015-imi 15.845-uupput.
- Nunatsinniit Danmarkimut 2015-imi nuuttut pingasuugaangata marluk arnaasarput
- Kalaallit Nunaanni inunngorsimasut Danmarkimut nuunnikut amerlanerpaartaat illoqarfiup pingaarnersaani (Københavnimi Bornholmimilu) najugaqarput. Januaarillu aallaqqaataat 2016-imi 4.330-ullutik.
- Sjælland (København, Lolland, Falster Bornholmilu minillugit) Nunatsinniit nutserfigineqannginnerpaajuvoq. Januaarip aallaqqaataani 2016-imi 1.863-it nuupput.
- 2015-imi nuuttut amerlanerpaartaat Danmarkip kujataanut (Fynimut Jyllandillu kujasissortaanut) 170-it Nunatsinniit nuupput.
Tusarfiit: Danmarks Statistik
Amerlasuut nuunnermik kingorna ingerlalluartartut, nuuttunit 170-isunit 90-it Kalaallit illuutaata Odensimiittup inunnik isumaginnittoqarfia saaffigisimavaat.
- Initaarnermut tunngasumik ataasiarluni oqarloqatiginninnerusinnaavoq. Attavigisartakkattali amerlanersaat ikiorneqartariaqarlutik aggertarput. Imaappoq 170-init 90-it attavigisimavaatigut. Isumaqarpugut amerlavallaartut.
Region Syddanmarkimut kalaallinut nuuttunut Kalaallit illutaat ukiumi kingullermi attaveqartarsimavoq.
Kalaallit Nunaanniit Danmarkimut nutsertut amerliartortillugit naammginartumik atugaqassappata taamaaliortarneq aqqutissaasoq, Kirsten Mærsk oqarpoq.
- Suliniutigisinnaasatta malunnaatillit ilagaat tikittartut pinaveersaartissalugit. Arlalinnik periarfissaqaraluarpoq, Danmarkili kinguneqartitsinissamik piumasaqaatitaqartarpoq, soorlu sulilernissamik imaluunniit ilinniakkamik aallartitsinissamik. Aallartilluarnissaat anguniarlugu tamakku aallaqqaataaniit ikiorneqartariaqartartut, Kirsten Mærsk oqarpoq.
Aamma atuaruk Kalaallit Danmarkimiittut peqataatinnissaat pillugu Folketingimi tusarniaalersut
Aamma atuaruk Martha: Kalaallit arnat Danmarkimiittut danskit akisussaaffigaat
Suliniaqatigiiffimmit Foreningen Grønlandske Børnimit aamma Isumaginninnikkut ineriartortitsivimmit SUS-imiit kalaallit illuutaasa, peqatigiiffiit kommunillu akornanni kalaallit nutsertut ikiorniarlugit piaartumik suligasuartarnissaq pisariaqartinneqaraluttuinnarpoq.
Folketingimi kalaallit Danmarkimiittut pillugit Inuit Ataqatigiit aaqqissugaannik aqagu tusarniaasoqassaaq.
