Assi: Simon Uldum

Kalaallit Danmarkimiittut peqataatinnissaat pillugu Folketingimi tusarniaalersut

Folketingip Kalaallit Nunaannut tunngasunut ataatsimiititaliaa kalaallit Danmarkimiittut peqataatinneqarnerisa nukittorsarneqarnissaanut periarfissat pillugit maajip aqqarngani tamanut ammasumik tusarniaatitsissaaq.

Suliniuteqarnerup nukittorsartariaqarnerata eqqumaffigineqarnerunissaanik tusarniaaneq siunertaqarpoq.

Kalaallit Danmarkimiittut ukiuni kingullerni arfineq-pingasuni 17 procentinik amerleriarsimapput. Tamatumunngalu peqatigitillugu, kalaallit Danmarkimiittut 80 procentiisa missaat ingerlalluartutut isigineqarput, 6 aamma 20 procentit akornanniittut inooqataanikkut ajornartorsiuteqartutut nalilerneqarsimallutik.

Kalaallit Danmarkimut nuuttut amerliartuinnartut peqataatinnissaannik suliniuteqarnerup qanoq iliorluni nukittorsarneqarsinnaanera tusarniaarnermi oqaluuserineqassaaq.

Folketingip "inooqataanikkut ajornartorsiortut pillugit periusissiaa" ukioq manna atorunnaassaaq, kalaallillu illuutaasa peqataatitsiniarnermik suliniutaannut aningaasaliissutaasartut aappagu aamma atorunnaassallutik.

Taamaammat tapersorneqarnissamik pisariaqartitsineq naammassineqarsimanersoq, aammalu peqataatitsiniarnerup nukittorsaqqinnissaanut sutigut iliuuseqarnerusoqarsinnaanersoq maanna nalilersorneqartussanngorpoq.

Tusarniaaneq pingasunngorpat tulliani pisussaq tamanut ammasuussaaq, peqataassagaannili nalunaaqqaartoqartariaqarpoq.

Tusarniaaneq pingasunngorpat maajip aqqarngani nalunaaqutaq 14-imit 17-imut ingerlanneqaassaq, Folketingillu nittartagaatigut aamma Folketingip tv-kanaliatigut toqqaannartumik aallakaatinneqassalluni.

Peqataarusuttut e-mailikkut ugguuna nalunaarsinnaapput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat