Ilulissat Takornariartitsisartut peqatigiiffiata iluliarmiut takornarialerinermi suliassaqartinniasavaat

Aakattak Sandgreen Ilulissani takornarialerisuuvoq, taassuma takornarialerisoq alla peqatigalugu peqatigiiffiliorniarlutik isumassarsisuupput.
- Oqaluinnarsinnaanngilagut takoriarpassuit tikinnialerput. Iluaqutiginialerpagut. Taanna oqaluinnarneruvoq.

AAMMA ATUARUK Avannaata Kommuniata takornariat kommuninut eqqaamiuminut siammarusukkai

Peqatigiiffiup illoqarfimmi sulisinnaasut qanoq iliornikkut takornarialerinermi atorneqarsinnaanerat siuarsarniarpaa:

- Immaqa uagut isaasalerlugu sorusunnginnatta taamarsuaq tikisitsisarpugut. Taamaattumik aamma taanna illuatungilerniarlugu, uagununa akisussaaffipput nunarput, uagununa nunarput takutitassarput, aamma uagut qanoq iliuuseqarsinnaasariaqarpugut tikkuartuiinnarata, Aakattaq Sandgreen oqarpoq.

AAMMA ATUARUK Kinamiut takornariat ajornannginnerusumik tikittalernissaat nuannaarutigineqartoq

Ilulissani takornariaqarnerup inerisarnissaa kaaviaartitaqarnissamut periarfissat atorluarneqarnerunissaa taassuma siunnersuutigaa:

- Tassa oorerpassuit taakkua akornerusariaqarpagut. Ajornaqaaq oorerpassuit isaagunik aasaq aallartilersorlu  aasaq naasorlu aallaqataasarput taakkua oorerpassuit. Millionerpassuit, Aakattaq Sandgreen KNR-imut taama oqarpoq.

AAMMA ATUARUK Royal Greenlandip nunaqavissunik sulisussarsiniarneq ajornartorsiutigigaa

Peqatigiiffik pilersinniarlugu Ilulissani takornarialerinermik suliaqartut Sermermiuni pingasunngorpat ataatsimeersuartitsissapput.