Naanguna meeqqat pillugit oqaaseqartartoq ? - KNR akissutissarsineq ajulersoq

KNR-ip meeqqat pillugit oqaaseqartartoq, Stina Sværd, sapaatip akunnerini arlalinni pissarsiariniarsarigaluarpaa, iluatsinngitsumilli.

Meeqqat pillugit oqaaseqartartoq, imigassaq pillugu aggustip 14-ianni kingullermik oqaaseqarpoq. 

Mio naalakkersuisut imigassaq pillugu nutaamik politikkeqalernissaq pillugu tusagassiuutinut ulloq taanna nalunaaruteqarpoq.

Mio Facebookikkut nittartakkamini, tusagassiuutinut nalunaaruteqarneranit ullut sisamat qaangiummata allappoq, imigassaq pillugu politikkiliortoqarnissaanut tunngatillugu apriilimi oqallitsitsisimalluni.

KNR naalakkersuisut imigassaq pillugu nutaamik politikkeqalernissamut suliniutaannut tunngasumik allaaserisamik ataasinngornermi septembarip 28-anni saqqummiussivoq.

Qanoruup meeqqat pillugit oqaaseqartartoq apersorneqarumanersoq paasiniarlugu, Mio tamatuma kingorna attaviginiarsaraa. 

Mio apersorneqarnissaminut periarfissaqannginnerarluni akivoq, allakkatigulli akissuteqarsinnaanerarluni.

Taamaattumik meeqqat pillugit oqaaseqartartoq qaammat ataaseq sinnerlugu pisortatigoortumik oqaaseqanngilaq.

KNR-illi nutaarsiassaqartitsiviata meeqqat pillugit oqaaseqartartoq angerlartitaasimasoq tusatsiarpaa.

KNR-ip Mio tamanna pillugu sapaatit akunnerini marlunni kingullerni oqaaseqartinniarsarigaluarpaa. Mioli tamanna pillugu oqaaseqarumanngilaq.

Meeqqat pillugit oqaaseqartartutut atorfik inuiaqatigiit susassaqarfigimmassuk, KNR pisut pillugit maanna allaaserinnippoq.

Naalakkersuisumit pulaartoqartoq

Meeqqat pillugit oqaaseqartartoq Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisumit, Mariane Paviasen Jensenimit (IA), aggustip 21-anni pulaarneqarpoq. 

Tamanna naalakkersuisut tusagassiuutinut nalunaarutaannit paasinarsivoq, meeqqat pillugit oqaaseqartartoq naalakkersuisorlu eqisimaartut tassani takuneqarsinnaammat.

Sulisup 3,5 millionit koruunit tungaannut 2021-mit 2026-p tungaanut peqquserlussimasinnaanera aamma peqquserlulluni allagaasiorsimasinnaanera, suliffeqarfimmik misissuinermit nalilerneqarmat, ataatsimiittoqarpoq.

- Naalakkersuisut sinnerlugit ullumi pulaarninni, meeqqat illersuisuata sulinera tamakkiisumik tapersersorlutigu takutikkusuppara, Mariane Paviasen Jensen tusagassiuutinut nalunaarummi taamani allappoq.

Meeqqat pillugit oqaaseqartartoq tamatuma kingorna pisortatigoortumik tusagaqarfigineqaqqinngilaq.

Kina meeqqat pillugit oqaaseqartartuua?

KNR-ip nutaarsiassaqartitsiviata meeqqat pillugit oqaaseqartartup angerlartinneqarsimaneranik tusatsiakkat septembarimi tusarpai.

KNR-ip nutaarsiassaqartitsiviata Mio, tusatsiakkat uppernarsarniarlugit eqqunngitsuunersulluunniit paasiniarlugu septembarip 23-anni saaffigaa. 

Miop sulisoqarnermut tunngatillugu apeqqutit oqaaseqarfigineq ajornerarpai.

KNR-ip nutaarsiassaqartitsiviata Mio septembarip 25-anni saaffigeqqippaa, kinalu meeqqat pillugit oqaaseqartartuugallarnersoq apeqqutigalugu, kaffisorialaajutaa aqqusaalaarumavoq.

Miop sulisoqarnermut tunngatillugu apeqqutinut oqaaseqarneq ajornerarnini septembarip 28-anni akissutigeqqippaa.

KNR-ip nutaarsiassaqartitsiviata meeqqat pillugit oqaaseqartartoq marlunngornermi septembarip 29-anni sianerfigigaluarpaa. Taassumalli nammineq oqarasuaataa nammineq akisartumit akineqarpoq, sulinerminilu oqarasuaataa tusagassiortunut attaveqarfimmut ingerlateqqinneqarluni.

Miomi tusagassiortunut attaveqarfiup meeqqat pillugit oqaaseqartartoq pissarsiarineqarsinnaannginnerarpaa.

KNR-ip kina meeqqat pillugit oqaaseqartartugallarnersoq paasiniarlugu, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik tallimanngormat attaveqarfigaa.

Naalakkersuisoqarfiup saaffiginninnermut akissuteqanngillat.