Olsvig: Russit aallartitaata oqaasii akuersaarnanngillat
Taamatulli oqarnera danmarkimi kisimi tupigusuutigineqanngilaq, nunatsinnimi aamma tupigusuutigineqarpoq.
IA-p siulittaasua inatsisartunilu ilaasortaq Sara Olsvigip aallartitap mianersoqqussutaata nipaa akuersaarsinnaannginnerarpaa. Naqissuserpaalu Nunarput danmarki ruslandilu siorasaarinertaqanngitsumik imminnut oqaloqatigiissinnaanertik soqutigisarigaat- ingammik issittoq eqqarsaatigalugu tassanimi suleqatigiinneq ajornartorsiutitaqanngitsumik ingerlanneqarnermat.
- Nipi ajunngittup atornissaa pingaarluinnartutut isigaarput, eqqissineq attakkumallugu Issittumilu inuiaat isumannaatsumik inuusinnaanissaat pillugu. Taamaammat pisup annertusiartuaannginnissaa inassutigaarput, Sara Olsvig oqarpoq. Naalakkersuisulli siulittaasuat Nunanulluunnit allanut Naalakkersuisoq qinnuigalugu Inatsisartut Nunanut allanut sillimaniarnermullu ataatsimiititaliaannut russit oqaatigisimasaat pillugit ilisimatitseqqullugit.
- Oqaatigineqarsimasut amerikarmiut Pituffimmiinnerannut Naalagaaffeqatigiiffiullu illersornermut sillimaniarnermullu politikkianut qanoq eqqarsaatersuuteqartitsinersoq tusarfigerusupparput, IA-p siulittaasua taama oqarpoq.
