Obama Kivalinamut tikinngitsoorpoq
Silap pissusiata allanngoriartornerata iliuuseqarfigineqarnissaa pingaaruteqartoq, illoqarfeeqqanut tikeraarnermini pinerit tamaasa oqaatigisarpaa. Silammi pissusiata allanngoriartornerata kingunerisai Alaskami takuneqarsinnaalluarput.
Aamma atuaruk Præsident Obama Yup’itut qitittoq takuuk
Obamali Inuppiaat nunaqarfiannut Kivalinamut tikinngitsoorpoq. Silap pissusiata allanngoriartornerata sunniutipilui Kivalinami takuneqarluarsinnaagaluarput. Nunaqarfiup ilaa nuunneqartariaqarnikuuvoq, silallu pissusiata allanngoriartornera pissutaalluni Kivalina qarsutsinernit ukiut qulit tulliit ingerlaneranni eqqorneqarumaartoq ilimagineqarpoq, allaallumi tammavinnissaa ilimagineqarluni.
Obamap timmisartorsua Air Force One Kivalinamik qulaavaavoq, Kivalinallu sineriaata silap pissusiata allanngoriarorneranit eqqorneqarsimanera nammineq takusinnaavaa.
Aamma atuaruk Barack Obama issittumi illoqarfimmi alutorsaatigineqartoq
Obamap nunaqarfik nammineq takummagu tamaani najugallit 300-t nuannaarutigaat, nunaqarfiullu ajornartorsiornera Obamap takusinnaagamiuk tamanna pingaaruteqartoq nunaqarfiup aqutsisuisa siulittaasuata Millie Hawleyp aviisimut Alaska Dispatchimut oqaatigaa.
Nunaqarfik illersorneqarneqartariaqaavittoq Obamap kingorna oqaatigaa.
Aamma atuaruk Obamap Inuppiaat naapikkai
Inuppiaat illoqarfiisa ilaannut Kotzebue-imut kingorna tikeraarpoq. Kotzebue Kivalinimut quleriaammik innuttaqarneruvoq, tamaanilu aamma tikilluaqqusaangaatsiarluni. Pissakitsuunerup tamaani akiorniarneqarnissaa pingaaruteqartoq Obamap oqaatigaa, inuussutissanillu pilersuinerup Inuppiaanut Yup'iqnullu isumannaannerullunilu pitsaanerunissaa aamma sulissutiginiarlugu.
