Nunanit allanit

TALLIMANNGORNERSIUTISSAQ Præsident Obama Yup’itut qitittoq takuuk

USA-p præsidentia Alaskami issittumi illoqarfimmi Yup’iktut Curyukimi ersaattaanneqaqaluni Dilingham Middle Schoolip eqaarsaartarfianut tikiuppoq.

Allattoq Camilla Dam

septembarip 04-at 2015 10:39

Nutserisoq Gâbánguak Bidstrup

Tassanilu oqalugiartoqaroq, meeqqat Yup’it qitittaasitoqaannik præsidentimut takutitsipput, takutitsereermatalu Barack Obama qiteqataavoq.

TV-qarfik Alaska Public Media peqataavoq, taakkulu akuersineratigut uani præsidentip nuannaartunik kissalaartumik tikilluaqqusaanera, minngitsumillu Barack Obamap meeqqanik qiteqateqarnera takusinnaavatit.

Innuttaasullu eqaarsaartarfimmiittut præsidentip illoqarfeeqqami misigisaminik kissalaartumik qujassuteqarfigai.

- Minnerunngitsumik meeqqat tamaasa nuannersumik qitinnerannik qutsaviginiarpakka. Qujanaq, præsidenti oqarpoq, Dillinghamimilu Briston Bayillu eqqaani innuttaasut tikikkuminarnerannik qutsavigai.

Aamma atuaruk ASSIT Barack Obama issittumi illoqarfimmi alutorsaatigineqartoq

- Maaniinnera nuannarisorujussuuara. Michelle (nulia, aaqqiss.) niviarsiaqqallu tullianik angalaqatigerusuppaka. Tamannalu pitserlugu aalisakkat tunniussasi mamarsaatigissavavut. Ullup qeqqanut ilanngalaarpakka. Mamarluinnarput.

- Inuusuttullu inersuarmi maaniittut immikkut qutsavigerusuppakka. Tulluusimaarutigeqassi. Nunarsuarmut allalusi ilinnialeraluarussiluunniit, ileqqusi piginnarisigit. Ilikkakkasilu oqqukkisigit, taava inuiaqatissinnik maani ineriartortitseqataassaasi, præsident Obama alaskapublic.org-imut oqarpoq.

Naggataagullu meerarpassuit akornanni assilisippoq, naggasiillnilu kia eqaarsaartarfiup naqqanit qaqiniarnermini ikiussaneraani aperivoq. Taamaalimmallu meeqqat tamarmik nikuillutik angussuaq qaqiniarnerani ikiorpaat.