Politiit ullormut nalunaarusiaat: Nuussuarmi containerini aserorterisoqartoq aqqusinermilu ajutoortoqartoq

Politiit Nuussuarmi ikuallattoqarneranik nalunaarfigineqarsimallutik ilisimannittussarsiorlutillu politiit tallimanngornerup ullaavani paasissutissiissutigaat. Taxartitsisorlu sisamanngornermi ullaap tungaani ajutoorsimasoq oqaatigaat.

Aquttua 54-inik ukiulik nassuiaaneermini oqarpoq festeriarami taakku nassarlugit. Taamali nassuiaanera politiinit upperineqarani.

Allattoq Nicole Sander Bertelsen

novembarip 03-at 2023 13:31

Kalaallit Nunaanni Politiit Nuup ilaani Nuussuarmi contarinerini pujortoqartoq tallimanngornermi ullaakkut nalunaaqutaq 06:29 nalunaarfigineqarput. Kalaallit Nunaanni Politiit pigaartuisa pisortaat, Ole Hard paasissutissiivoq.

- Containerimit pujortoqarpakkaluartoq qatserujut qapuusalik containerip iluani aallartinneqarsimasoq paasineqarpoq. Taamaammat tamanna aserorterinertut isigaarput, pigaartut pisortaat oqarpoq.

Aamma atuarukAngut toqutseriarsimasutut eqqartuussivimmut sassartinneqassasoq

Angutit inuusuttut marluk sumiiffimmi arpattut takuneqarsimapput, politiilli suliami paasissutissaateqanngillat, taamaammat maannakkut ikiorneqaqqupput.

- Inunnit inuusuttunik marlunnik sumiiffimmit arpattunik takussissimasunik tusarfigisaqarusuppugut, Ole Hard oqarpoq.

Taxartitsisoq ajutoortoq

Ikuallattoqarneranik nalunaarutiginnittoqarnerata saniatigut Nuussuarmi aqqusinertigut ippassaq ullaap tungaani ajutoortoqarpoq.

- Ataasiinnarmik ajutoortoqarpoq, tassanilu taxa marlunnik inuttaqartoq Narsaviami innaarsummut nakkorpoq, Ole Hald oqarpoq.

Biili innarsummut ulikarpoq, inuillu marluk ajutoornerup kingorna napparsimmaviliaanneqarput misissorneqarlutillu, pigaartullu pisortaata maanna pisup aqaguani taakku ajoqusersimanngitsut ajunngitsullu oqaatigaa.

Nutaarsiassami kukkunermik nassaarsimaguit uunga allaffigineqarsinnaavugut.