Nuuk: Suleqatigiissitsisut 3.000 meterit siunnersuutigigaat
Naalakkersuisut mittarfissamut 2200 miiterimut siunnersuutaat pinnagu Suleqatigiisitsisut siunnersuutigaat, Nuup kujataatungaani qeqertaaqqani 3 kilomiiterinik isorartussusilimmik mittarfiliortoqassasoq.
Mittarfiit pillugit aningaasalersuinissamut danskit naalakkersuisuisa aamma amerikamiut illersornissamut ministereqarfiata soqutiginninnerat saqqummiuneqareersorlu Suleqatigiisitsisut oqallinnissamut taama saqqummiussaqarput.
- USA Danmarkilu tamakkiisumik ilaannakortumilluunniit aningaasaleeqataanissaat nalunaaruteqassagaluarpat tassuunakkut eqqarsarnissaq siunissamullu eqqanaarinnittoqarsinnaavoq, Tillie Martinussen oqarpoq.
Suleqatigiisitsisut naapertorlugit mittarfissap naliginnaasumik timmisartuussinernut sakkutuunullu mittarfittut atorneqarnissaa isumaavoq, taamaalilluni Nunatta nunanut allanut sillimaniarnermullu tunngasunut akisussaaqataanissaa anguneqarsinnaassammat.
AAMMA ATUARUK Qaqortumi mittarfittaassaq Narsarsuartulli silamik ajornartorsiuteqarfiussasoq
Amerikamiut illersornissamut ministeriaqarfiata mittarfissanut tunngatillugu aningaasalersueqataanissamut suli nalunaaruteqanngilaq.
Taamaattumik partii naapertorlugu ersarissumik maannamut siunnersuuteqartoqanngilaq.
- Siunnersuummi takutikkusupparput suleqatigiinnissamut ammagatta, aamma pitsaalluinnassagaluarpoq, Nunatsinni sakkutooqarnikkut peqataasoqartuuppat, innuttaasut angalaniartut billitsinut akisunerusunut akiliisannginnissaat anguneqarsinnaassammat, Inatsisartuni ilaasortaq, Suleqatigiisitsisuneersoq, Tillie Martinussen oqarpoq.
AAMMA ATUARUK Mittarfinni ukunani sila ajornartorsiutaanerpaasarpoq
