NUNAP ASSINGA Mittarfinni ukunani sila ajornartorsiutaanerpaasarpoq
Kangerlussuarmilu mittarfiup eqqaani silap qanoq innera pissutigalugu taamaatitsiinnarfiunngisaannangajalluni.
Attaveqatigiinnermut naalakkersuisup paragraf 37-mut akissuteqaataani tamanna allassimavoq.
Mittarfiit tikikkuminassusaannik tassa timmisartut qanoq timmisinnaatigisarnerannik uuttuinerit Inuplanimit suliarineqarput.
Nunatsinni mittarfiit tikikkuminassusaannik uuttuinermi Narsarsuaq tikikkuminaannerpaatut tassa tikikkuminassutsimi 78 procentimiippoq Kangerlussuarlu tikikkuminarnerpaalluni 99,8 procentimiilluni.
Tikikkuminassuseq mittarfinni silap qanoq innera aallaavigalugu tikikkuminassusaannut tunngavoq. Tassa putsut qanoq appasitsiginersut qanorlu erseqqaritsiginersoq, tamannalu teknikkikkut ajortoqarneranik timmisartuussinissanilluunniit nalinginnaasumik allannguinermut tunnganngilaq.
Nunatsinnili mittarfinnik 13-inik paasissutissat marluk amigaataapput, tassa Kulusummi Nerlerillu Inaanni mittarfiit.
Nunatsinni mittarfinni missinnaassutsimut akulikissutsit nunap aasingani ataaniittumi takusineqarsinnaapput.
