Nuummi inissiami ikuallattoqartoq

Nuummi Nuussuarmi quleriiaanik initalimmi ikuallattoqarmat, politiit qatserisartullu ullumi ulloqeqqata missaani ornigupput. Ikuallanneq qamisarneqarasuarpoq, akunnerullu affaa najuutereerlutik sumiiffik qimappaat.

Allattoq Kim Hinrichsen

oktobarip 09-at 2023 14:29

Nutserisoq Ivik Kristiansen

Nuup ilaani Nuussuarmi inissiami ulloqeqqalersoq ikuallattoqalerpoq. Sooq ikuallattoqalersimanersoq suli naluneqarpoq, tamannali politiinit maanna misissorneqaleruttorpoq.

Kalaallit Nunaanni Politiini pigaartut pisortaat, Bjørn Bjerregaard taama paasissutissiivoq.

- Ikuallannermut suna pissutaanersoq pillugu apeqqut ajoraluartumik suli akisinnaanngilarput. Nuussuarmili ikuallattoqarpoq, sunalu pissutaanersoq maanna misissorneqaleruttorpoq, taanna oqarpoq.

Aamma atuaruk Politiit ullormut nalunaarusiaat: Ikuallattoqarnera tillinniartoqarneralu ulapputigaavut

Politiit inissiami pujortoqartoq pillugu nalunaaqutaq 11.25 nalunaarfigineqarput, qatserisartunillu ikiuiartorlutik inissiamut ornigullutik. Apuummata, qatserisartut apuutereerput.

Qatserisartut ikuallanneq qamisarasuarpaat, ernumassutissaqarunnaartorlu pigaartunut nalunaaqutaq 11.50 nalunaarutigineqarpoq.

Qatserisartulli apuukkamik inuk ataaseq inissiami nassaaraat, inullu taanna ambulancini aamma ornigussimasuni nakorsartittoq, Bjørn Bjerregaard paasissutissiivoq.

- Inuk ataaseq inissiamiippoq, pisullu eqqarsaatigalugit ajunngilaq. Inulli taanna ambulanciniittunit nakkutigineqartussanngortinneqarpoq.

Nutaarsiassami kukkunermik nassaarsimaguit uunga allaffigineqarsinnaavugut.