Politiit ullormut nalunaarusiaat: Nuummi aserorterisoqarlunilu tillinniartoqartoq
Sapaatit akunnera marlunnik pisoqarfiulluni aallartippoq. Tassa tillinniartoqarsimasoq aserorterisoqarlunilu, politiit ataasinngornermi ullaakkut pigaartuisa ittuat Malik Olesen ilisimatitsivoq.
Politiinut nalunaarutiginninneq siulleq sapaammi unnukkut naqunaaquttap qulip missaani anngunneqarpoq. Tassani atuarfimmi Atuarfik Samuel Kleinschmidtimi tillinniartoqarsimasoq, pigaartut ittuat oqarpoq.
- Atuarfimmi kalerrisaarut appippoq, pingaartuusullu nukappiaqqat pingasut takuai. Sulili maannamut ilisimasaqarnerulinngilagut. Suliamik suli misissuivugut, Malik Olesen oqarpoq.
Nalunaarutiginninnerup siulliup kingorna nalunaaquttap akunnerata aappaa affaq qaangiummat, tassa nalunaaqutaq unnuap qeqqata qeqqa nuussuarmi kalerrisaarut appippoq. Politiillu aserorterisoqarsimasoq paasivaat. Qanoq aserorterisoqarsimatiginersoq suli oqaatigissallugu siusippallaartoq, pigaartut ittuat ilisimatitsivoq.
- Suliamik paasiniaanerput videokkut immiusssat ilaatigut aamma isiginnaarlugit ingerlatiinnassavarput, Malik Olesen oqarpoq.
Imminnut attuumassuteqarnersut oqaatigissallugu suli siusippallaartoq
Suliat marluk pineqartut imminnut atuumassuteqarnersut oqaatigissallugu suli siusippallaartoq, pigaartut ittuata naqissuserpaa. Politiilli suliat maanna misissuleruttorpaat. Sapaatit akunnerata siuliani aamma tillinniarnernik arlalinnik suliaqarpoq.
