Angerlarsimaffeqanngitsut 26-it tupeqarfimmut tallimanngormat inissinneqarput. Tupeqarfik angerlarsimaffeqanngitsunut 80-nut inissaqarpoq.Assi: Kommuneqarfik Sermersooq

Nuummi angerlarsimaffeqanngitsut inissaannik tupeqarfimmik naappaasoqarpoq

Nuummi angerlarsimaffeqanngitsut 80-it inisssaannik tupernik kommuneqarfik Sermersooq nappaatitsivoq

Tuperni napparneqartuni kiassakani angerlarsimaffeqanngitsut uffarsinnaallutillu errorsisinnaapput.

Tupeqarfik ajornatoornermi atugassatut pilersinneqarpoq.

Angerlarsimaffeqanngitsut Nuummi ornissinnaasaat tamarmik matoqqapput.

Kofoed Skole, Frelsens Hæri, Nunatta atuagaateqarfia aamma Katuaq matoqqapput

Tupeqarfik angerlarsimaffeqanngitsut najugaqarfigigallagaat, Nuuk Imerup eqqaanipput,

nunaminertami annertujaami siammarnerunissaat, tassuunalu Covid-19-ip atuunnerani tunillanneqarsinnaanerannut illersorniarlugit taamaaliortoqartoq, kommune nittartakkamini taama allappoq.

Kommuneqarfik Sermersuumi borgmesterip Charlotte Ludvigsenip angerlarsimaffeqanngitsunut tupeqarfiliorneq nuannaarutigaa:

- Tupeqarfik maanna atorneqarsinnaalermat eqqissiallaqaanga. Angerlarsimaffeqanngitsunut toqqissiallaataanissaa illersorneqartutullu misiginissaat pingaarnerpaavoq, malugisinnaavaralu taamatut misigisut. Takkukkatta ilassiartorlugit illarpalaarnerat nuannaarnerallu malunnarpoq. Taakku sinnerlugit nuannaaqaanga”, Charlotte Ludvigsen taama oqarpoq.

 

 

Tupeqarfiup ammarnersiorneqarnerani borgmesteri angerlarsimaffeqanngitsut ilassiartorpai,

piffissami assammissinnaananilu eqitaarsinnaanngiffiunngitsumi assigiinngitsutigut ilassiortoqarlunilu aalaterisoqarpoq, ilaatigut ”kamippannik ilasseriaaseq” atorneqarluni.

Angerlarsimaffeqanngitsut 26-it tupeqarfimmut tallimanngormat inissinneqarput. Tupeqarfik angerlarsimaffeqanngitsunut 80-nut inissaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat