Nuummi 20-nik ukiulimmik toqutsinermi angut alla unnerluussaavoq

Blok 5-imi quimi 20-nik ukiulimmik toqutsisoqarneranik suliamut atatillugu pinerluttaalisitsisut angummik aamma allamik ippassaq unnerluussipput. 25-nik ukiulik siusinnerusukkut unnerluussaasoq suli tigummigallagaavoq.

Allattoq Jokum Nielsen

oktobarip 13-at 2024 16:46

Oktoberip sisamaani Nuummi blok 5-imi angummik 20-nik ukiulimmik toqungasumik nassaarfiusumi toqutsisoqarneranik suliami ippassaq arfininngormat angut 41-nik ukiulik toqutsisutut unnerluutigineqarpoq. Taama Kalaallit Nunaanni polittit tusagassiuutinut nalunaarummi allapput.

Angutip inuusuttup toqungasup nassaarineqareernerata kingorna pinerluttaalisitsisut sukumiisumik misissuipput.

Misissuinerit ingerlaqqittut tunngavigalugit angut alla pinerluttaalisitsisunit tigusarineqarpoq. Tigusarineqartoq tassaavoq angut 41-nik ukiulik taannalu toqutsinermut atatillugu aamma unnerluutigineqarpoq

Aamma atuarukPolitiit toqutsisoqarneranit ullut tallimat qaangiuttut aaku oqaatigisinnaasaat

Angut 41-nik ukiulik Sermersuup eqqartuussiviani matoqqasumik ullumi sassartinneqarpoq, ullunilu 25-ni tigummigallassanngortinneqarluni.

Sapaatiummat oktoberip arferngani angut 25-nik ukiulik Sermersuup eqqartuussiviani sassartinneqarpoq ullunilu 25-ini tigummigallarneqarluni, tamanna aalajangeqqitassanngortippaa. Nunatta eqqartuussiviata Nuummi eqqartuussiviup aalajangigaa naqissuserpaa taamaattumillu angut suli tigummigallagaavoq.

Misissuinerit ingerlaartut pissutigalugit angummik 41-nik ukiulimmik tigisarinninnermut unnerluutiginninnermullu pissutaasut pinerluttaalisitsisut oqaatigisinnaannginnerarpaat. Eqqartuussiviup aalajangiineranut angut akuerinnippoq. .

Nutaarsiassami kukkunermik nassaarsimaguit uunga allaffigineqarsinnaavugut.