Nuuk Kunstmuseumimi Assiliamik saqqummersitsineq suli alakkarneqarsinnaavoq
"Illit qallunaajuvuvit oqaasissaqanngilatit" oqaatsit taama allassimasut ilaatigut atuarneqarsinnaapput, atuakkiortup Niviaq Kornliussenip eqqumiitsuliortullu Lisbeth Karline Poulsenip saqqummersitaanni.
Saqqummersitsivimmi allattuiffigineqarsinnaasunik nivinngasoqarpoq, oqaatsit pillugit isummanik allattoqarsinnaalluni:
- Takusinnaavarput amerlasoorujussuit immersorneqareersimasut. Ilai qallunaatut, kalaallisut allamiusullu, taavalu soqutiginartorujussuarnik allarrassimallutik, Niviaq Korneliussen KNR-imut oqarpoq, nangillunilu:
- Amerlasoorujussuit allassimapput “kikkut tamarmik inissaqartissavarput, kisianni ilai aamma allassimapput “racistiunngilanga”.
Oqaatsinik politikkip qanoq ittuuneranik saqqumersitsisut tusarusuppaat:
- Politikeriinnginnama oqaatigisussaanngilara oqaatsinut politikki qanoq isikkoqassanersoq qanorlu oqassanersoq. Inummiit inummut isummersuutit assigiinngitsorujussuupput. Pingaartorujussuuvoq inuit isumaat tusaaniarnissaat, Niviaq Korneliussen oqarpoq.
Danmarkimi Kalaallit Illuutaanni saqqummersitsisallutik eqqumiitsuliortut sulissutigaat.
Saqqummersitsineq Ordet - (assiliaq) Nuummi kunstmuseumimi januaarip 29-ani ammarneqartoq, februaarip 28-ata tungaanut alakkarneqarsinnaavoq.
