Nuuk Imeq tunisakinnerusoq
Akileraareerluni inernerusut katillugit 19,8 millionit koruuniupput. Kaaviiaartitat 4 procentimik appariarsimapput. Pingaartumillu immiaaqqat tunineqartut 6,5 procentinik apparsimallutik.
Puiaasat puuinik immikkut ittunik ukioq kingulleq annikillisaasimallutik, Nuuk imeq ilisimatitsivoq.
Immiaaqqammi sodavandillu qillertuusaniittut puijaasallu ataasiaannarlutik atorneqartartut eqqunneqarsinnaanngornissaanut Namminersorlutik Oqartussat pilersaarutigisaat atuutsilissagunikku Nuuk Imerup matoriasaarnissaani annaaneqartussat ikiliniarneqarput.
Aamma atuaruk Nuuk Imeq saftimik tuniniaaqqilerpoq - puua utertittaganngorlugu
Immiaaqqat sodavandillu puukui utertittakkat maannakkut atuuttut ataavartiinnarnissaat tuniniaaviup ukiut arlallit ilunngersuutigivai.
Nuuk imiup atuutiinnarnissaanut qulakkeeriniarneruvoq, ilaatigummi suliffimminngaanniit nunatsinni inuiaqatigiinnut suliffissaqartitsinermullu iluarsiissutissatut ingerlatsineruvoq, suliffeqarfiup siulersuisuisa marsip 16-iani ataatsimeersuareernerani nutaarsiassanut nalunaarutaanni taama allassimavoq.
Imeruersaatit puui utertinneqartut ukioq kingulleq 98,6 procentiupput.
Læs også Nuuk Imeq kaaviiaartitaqarnerusoq
Nuuk Imeq 2015-imi 42-unik sulisoqarpoq.
Kommuneqarfik Sermersuup aalajangigaani siulersuisuni Justus Hansen siulittaasutut ataatsimeersuarnermi qinigaaqqippoq. Taassuma saniatigut Anders Dam Vestergaard Carsbergip immiorfianeersoq, Peter Roland Royal Unibrewimeersoq, kiisalu Erling Josefsen, Nuka Ugpernangitsorlu sulisut sinniisuneersut ingerlaqqipput.
