Nunatta Oscarimut Ataatsimiititaliaa siulittaasunngorallartoq

Nunatta Oscarimut Ataatsimiititaliaa apriilip aallaqqaataani siulittaasortaarallarpoq, tassaasoq Nina Paninnguaq Skydsbjerg. Kalaallit filmiliaasa Oscarinnattalernissaat taassuma anguniarpaa.

Allattoq Nicole Sander Bertelsen

apriilip 04-at 2024 09:22

Nutserisoq Hanne Petersen

Oscarinnannissamut periarfissaq ingammik ukiuni kingullerni qanilliartuinnartoq, Kalaallit Nunaata Oscarimut Ataatsimiititaliaani siulittaasunngorallartoq Nina Paninnguaq Skydsbjerg isumaqarpoq.

Taanna apriilip aallaqqaataani siulittaasunngorallarpoq, nunatsinnilu filmiliortartut pillugit angisuumik anguniagaqarpoq.

- Nunatsinni filmiliortartut filmiliortarnerlu soqutigisanni annersaraat isumaqarpungalu Oscarinnannissamut periarfissaq qanilliartuinnarsimasoq ingammik ukiuni kingullerni, Nina Paninnguaq Skydsbjerg tusagassiorfinnut nalunaarummini allappoq.

Politikkikkut suliallit tapersersuinerusariaqartut

Taamatulli angusaqassagunik politikkikkut suliallit imminnisulli tapersersuinerunissaat pisariaqavissortoq, taanna erseqqissaavoq.

- Nunatsinni filmiliornerup silarsuaani suliaqartartuusugut amerlanngilagut, piumassuseqarluarpugulli. Suliagut nunarsuarmioqatitsinnut takutikkusunnaqaat, siulittaasunngorallartoq oqarpoq.

Aamma atuarukNunatsinni filmilianut ukioq nalinginnaanngitsoq: Oscarimik, Robertimik Bodilimillu nersornaaseqarnissamut innersuussaqartoq

Kalaallit Nunaata Oscarimut Ataatsimiititaliaa USA-mi Oscar Academymit 2023-mi akuerineqarpoq, tassa kalaallit filmiliaasa Oscarimik nersornaaserneqarnissaannik innersuussisinnaavoq.

Kalaallit filmiliaasa ilaat naatsuliaq, Ivalu, Oscarinnattussatut siorna innersuunneqarpoq.

Nutaarsiassami kukkunermik nassaarsimaguit uunga allaffigineqarsinnaavugut.