Misissuineq: Nunatta namminiilivinnissaa Danmarkimi inuusuttut tapersersoraat

Danmarkimi 9. klassertut 3.G-rtullu 320-t apersorneqartut affaasa Kalaallit Nunaat namminersulertariaqarsoraat. Danskit inuusuttut Nunatsinnut kalaallinullu ilisimasaat pillugit misissuinerup nutaap tamanna takutippaa.
Assi © : KNR / Foto: Jonas Fievé
maajip 06-at 2019 08:20
Nutserisoq Connie Fontain

Danskit inuusuttut ataatsimut isigalugu Nunarput  Danmarkimut ullut ilaanni attaveqanngitsunngorsinnaasoraat.

Epinionip Danmarkimi Ilinniartitaanermut ministereqarfimmut apersuilluni misissuinerani danskit inuusuttut akissuteqartut 320-t 49 procentiisa Nunatta namminersortunngortariaqarnera ‘isumaqatigilluinnanngikkunikku’ ‘ilaatigut isumaqatigaat’.

Inuusuttut taamaallaat 19 procentiisa Nunatta avissaarnissaa ‘isumaqatiginngilluinnarpaat imaluunniit ilaatigut isumaqatiginngilaat’. Taamaakkaluartorli Nunatta naalagaaffeqatigiinnit aninissaa 31 procentiisa ‘isumaqatigalugulu isumaqatiginngilaat’.

AAMMA ATUARUK ’Kalaallit nukittuujupput, anneruniajuillutik atugartuujullutillu – atornerluisuullutillu’

Taamaalilluni danskit inuusuttut ilinniartut siuliminnit Nunatta inuulluaqqunissaa ammaffigineruaat.

Epinionip DR-imut siorna misissuinermini apeqqut assingusoq inersimasunut apeqqutigaa, tassani akissuteqartut 57 procentiisa Nunarput naalagaaffeqatigiinniiginnassasoq kissaatigalugu akissutigaat.

Taamani apeqqut imaappoq “Kalaallit Nunaat piffissami matumani naalagaaffeqatigiinniiginnassava?”.

Danskinut ilinniartunut apeqquteqarnermi Nunatta Danmarkimiit anisinnaanissaa piffissalerneqanngilaq.

Danskit inuusuttut misissuinermi peqataasut Nunatta namminiilivinnissaanut tapersersuisunit Nunarput pillugu ilisimasaqarnerulaartut Nunatta namminiilivinnissaanut akerliusut takuneqarsinnaavoq.

AAMMA ATUARUK Danmarkimi atuartut Naalagaaffeqatigiit pillugit ilinniartinneqartalissasut