Politikki

Aningaasanut inatsimmi amigartoorutit amerlipput

Nunatta karsia missingersorneqartumut sanilliullugu amigartooruteqarnerusoq.

Allattoq Ivik Kristiansen

marsip 18-at 2016 10:00

ILUARSISAQ

Ingerlatsinermi sanaartornermilu amigartoorutigineqartussatut missingersuutigineqartut 8,7 millionit koruuninik

Aningaasanut inatsit tapiliussatut aningaasaliissuteqareerneratigut amigartooruteqarneruffiulerpoq.

Tassami ingerlatsinermi sanaartornermilu amigartoorutigineqartussatut missingersuutigineqartut 8,7 millionit koruuninik ilaqqipput.

Taamaammat ingerlatsinermut sanaartornermullu kontop 64 millionit koruuninik amigartooruteqarnissaanik missingersuisoqaraluartoq, 73 millionit koruuninik amigartooruteqassaaq.

Tassami Campus Kujalliup allanngortiterneqarnissaanut 13,5 millionit koruunit atorneqarnerat pissutaalluni sanaartornissamut aningaasartuutigineqarsimapput.

Namminersorlutilli Oqartussat NunaMinerals A/S-imut piginneqataassutitik tuniniarneratigut amigartoorutit ilaat matussuserneqarput.

Taava Nunatta Karsiata amigartoorutai amerlissanersut ikilissanersulluunniit, Naalakkersuisut Nunatta Karsiata naatsorsuutai saqquppatigit aatsaat paasinarsissaaq.

Aamma atuaruk Campus Kujalleq Qaqortumiittoq iluarsartuunneqarlunilu allilerneqassaaq

Aamma atuaruk Aningaasanut inatsit Naalakkersuisoqatigiit isumaqatigissuteqarnerisigut akuerineqarpoq