Campus Kujalleq Qaqortumiittoq iluarsartuunneqarlunilu allilerneqassaaq
Taamaaliornikkut neriuutigineqarpoq ilinniarfiup anguniakkani angussagai, tassalu sapinngisamik amerlanerusut nasartaartinnissaat.
Sanaartornermut naalakkersuisoq Knud Kristiansen oqaluttuarpoq pilersaarutaasoq nutaartassaanik 2000 kvadratmeterisut angitigisoq sanaartorneqassasoq, taamaalillunilu assigiinngitsunik ilinniartunut 500-nut inissaqalerluni.
Nutaartassaani init ilinniartitsiffiusut arfinillit sananeqassapput, aammalu allat init faginut ilinniarfiit arfinillit sananeqassallutik, taakku inersuarmut allisamut atasuussallutik.
- Inersuassaq nutaaq tassaassaaq atuarfiup qiterisassaa nutaaq, ilinniartut tassani kissartutorsinnaassapput isersimaartarfeqarlutillu suleqatigiiffiusinnaasunullu inissaqassaaq fagit akimorlugit ilinniartitsiffittut atorneqarsinnaasumik, Ilinniartitaanermut naalakkersuisoq Nivi Olsen oqarpoq.
Tamakku tamarmik 2018-ip aallartisimalernerani naammassineqarsimanissaat ilimagineqarpoq.