Nunatta karsia amigartoorujussuartoq
Nunatta karsia 2014-ni amigartoorujussuarluni anigorpaa.
Ilimagisatut sinneqartoorfissatut siunnerfigineqaraluartoq ingerlatsinermut sanaartornermullu 222 million koruuninik amigartoorfiulluni inerneqarpoq.
Eqqoriaaneq uniorujussuartoq
Aallaqqaammut aningaasartuutit immikkut aningaasartuutit ilanngullugit 24 million koruuninik sinneqartoornissaat naatsorsuutigineqarsimapput, 246 million koruuninilli nikingassutilimmik inerneqarpoq.
2014-i tamaat isigissagaanni ilisarnaataasimavoq suliffeqarfiutillit namminersortut sanaartornerullu iluanni ingerlatat annikinnerunerat. Tamaanneratalu akileraarutitigut isertitat annikinnerusimallutik.
Raajarniarneq ingerlalluartoq
Pitsaasumillu kingunilik tassaavoq raajarniarneq, raajat akiisa qaffannerata isertitat qaffanneranik kinguneqarmat. 2014-nimi aalisarnermit akileraartutitigut isertitat oqaluttuarisaanermi aatsaat taama amerlatigisimapput.
Saniatigut sanaartornernikkut ingerlatsineq annikitsuaraasimavoq. 2013-mi 773 million koruuniusoq siorna 396 million koruunit nalinganuinnaq sanaartortoqarsimavoq.
Aamma atuaruk Qulaarpaa Aningaasat nunatta karsianit aniaannalersut
- Ileqquusunit annikinnerujussuarmik sanaartornernik ingerlatsisoqarsimavoq, aningaasaqarnermut naalakkersuisoq Andreas Uldum, demokraatineersoq oqarpoq.
1 milliardit aningaasaateqarfimmi
2014-nip naaneranilu sanaartornermut aserfallatsaaliuinermullu aningaasaateqarfimmi 1 milliard koruunit sinnerlugit uninngasuutigineqarput.
Nunatta karsianit naatsorsuutit inatsisartunut akuerisassanngorlugit pingasunngornermi maajip 20-nni saqqummiunneqassapput.
Aamma atuaruk Sanaartugassanut Iluarsagassanullu Aningaasaateqarfik 846 mio. kr.-inik uninngasuuteqarpoq