Assi: KNR

Nunatsinni tusagassiortut unammilligassaqarnerusut

Nunatsinni tusagassiortut isornartorsiuinissaminnut unammillernartoqartissinnaasarpaat. Unammillernartut ilagaat apersugassat apersortinnissaminnut piumaneq ajoramik, pisortanut politiikerinullu akerlileerusunneq ajoramik.

Naimah Hussain Roskilde universitet-imi phd. stipendiatitut atuartoq taamatut oqarpoq. Apersukkat isornartorsiuerusunneq ajorput isornartorsiukkatik naaperiaannaasaramikkit, Naimah Hussain oqaluttuarpoq.

Naimah Hussain


Tusagassiortuuvoq Ilisimatusarfimmilu ilinniartitsisuulluni. Maannakkut Roskilde universititimi phd. stipendiatitut atuarpoq inuiaqatigiinni mikisuni tusagassiuutilerineq sammillugu, Kalaallit Nunaat immikkut sammisaralugu

- Apersugassamik atia assialu saqqummiullugu nassaarnissaq ajornakusoorsinnaasarpoq, tassami malunnartarami inuit ilai akerliliinissaminnut sapertartut aammalu pisortanut akuersaaginnartuusartut. Isumaqartaramik saqqummerunik kingunipiloqarsinnaasoq. Tassa tamakkua tusagassiortut unammillernarisartagaasa ilaat.
 
Nunatsinni inuit tamarmik imminnut nalunnginnerat ajortumik isumaqartariaqanngilaq.

- Maani Kalaallit Nunaanni akerlilerneqarsinnaanngilaq marloqiusamik inooriaaseqarneq. Ajortumik isumaqartariaqanngilaq inuimmi imminnut ilisarilluarunik paasissutissanik pissarsiarisinnaanngisaraluanik pissarsisisinnaasarmata.
Tamannalu pisinnaavoq kaffisoriarnermi inuiaqatigiinnili inuit imminni nalusuni tamanna ajornartarluni, Naimah Hussain taamatut oqarpoq.

Aamma atuaruk Taamaammat tusagassiortut akerliliisarput

Eqqaavaa aamma tusagassiuutit Kalaallit Nunaanni amerlavallaannginnerat peqqutaalluni politiikerit inatsisartut avaqqullugit tusagassiuutit suliaannut akuleruttartut.
 
- Kalaallit Nunaata immikkuullarissutigivaa tusagassiiuutit amerlanngimmata, radio ataasiinnaavoq tv-kanalilik
aammalu aviisit marluk imminnut assigiileriartuinnarlutik. Taava politiikerit tusagassiuutinut aqutsinialeraangamik aalassatsitsilersarput.
 
Tusagassiuutit pisortanit aningaasalersorneqanngitsut amerlanerusuuppata imminnut tapersersorlutik oqalliseqatigiinnerusinnaangaluarput taamaasillutillu politiikerit malersornerlugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat