Nunatsinni tusagassiorfinni arnat takussaangaatsiartut

Arnat nunatsinni tusagassiorfinnit tusarfigineqartartut nunarsuatsinni amerlanerpaanut ilaappoq. Nunatsinni tusagassiorfiit pillugit Ilisimatusarfimmit nalunaarutip tamanna erseqqissarpaa.
Allattoq Mette Wallach
novembarip 02-at 2018 06:53
Nutserisoq Connie Fontain

Nunatsinni tusagassiorfiit tusarfigisartagaasa pingajorarterutaat arnaappoq. Nalunaarusiap Tusagassiuutit 2018 - Kalaallit Nunaanni tusagassiuutinik misissuinerup tamanna ersersippaa.

- Tassalu innuttaasut affaat arnaanerannut sanilliukkaanni taakku ikipput, nunanulli allanut sanilliukkaanni amerlallutik, nalunaarusioqataasut ilaat, Signe Ravn-Højgaard oqarpoq.

Taassumalu nunarsuarmi tusarfiit sisamaat arnaasarnerannik takussutissiisoq paasissutissiisarfik, Who Makes the News innersuussutigaa.

- Taamaammat nunatsinni ajunngeqaaq.

Tamannalu nunamut Sverigemut arnanik tusarfeqarnissamut iliuuseqangaatsiarsimasumut, Skandinaviamilu tusagassiorfinni arnanik tusarfeqarnerpaasumut sanilliukkaanni nunarput 3 procentpointimik siuarsimaneruvoq.

- Tassa nunarput skandinaviami nunamit siuarsimaneruvoq.

- Nutaarsiassani tusarfigineqartartut 34%-ii arnaapput

- Arnat misilittagallit tusarfigineqartartut 38%-iupput, 33%-it ilisimatuutut tusarfiusut 32%-iilu peqataasutut tusarfiupput.

- Politikerit akornanni arnat 33%-iupput, kattuffiit akornanni pisortaqarfinnilu atorfinni arnat 35%-iupput.

- Inuussutissaqarnermik ingerlaqartunit 19%-it arnaapput innuttaasullu nalinginnaasut akornanni 42%-iullutik.

Tusarfiit: Tusagassiuutit 2018 - Kalaallit Nunaanni tusagassiuutinik misissuineq

Kalaallit arnartaat akimasumi inissimasut

Signe Ravn-Højgaardili isumaa naapertorlugu nunatsinni arnat akimasumik inissinnissaat mianersuunneqassaaq.

- Tamanna tusagassiorfinnik takussutissiinani inuiaqatigiit qanoq ittuunerannut takussutissiisoraara, allaaserinneqataasoq oqarpoq.

Kalaallillu arnartaat nunani allani arnanut sanilliullugit atuuffinni qaffasinnerusumi inissisimakkajunnerunerannik tamanna pissuteqarsoraa.

Signe Ravn-Højgaardip isumaa naapertorlugu inuiaqatigiit tamakkiisut oqaatiginiagaat pitsaanerpaamik saqqummeqqullugu, tusagassiorfiit tusarfiit affaasa arnanissaat anguniarneqartariaqarpoq.

AAMMA ATUARUK Immikkut ilisimasallit amigaataapput