Nunatsinni isertitsiviit Folketingip ombudsmandiata isornartoqartikkai

Ombudsmandi nittartakkamini ullumikkut allappoq, ilaatigut isertitsivik aalajangersimasunik sulisoqanngitsoq pulaarsimallugu, isertitsivimmiittut sulisunut saaffigisassaqanngitsut, nerisassanik imigassaminnilluunniit neqeroorfigineqarsimanngitsut, politiimillu ilaqartinnatik perusuersartarfiliarsinnaanngitsut.
 
Ilanngullugu oqaluttuarpoq isertitsivimmiittut tamarmik peqqutissaqanngikkaluarpalluunniit ilupaqutiminnut allaat misissorneqartartut.
 
Isertitsivimmut ataasiinnarmik matuersaateqartoq, taannalu politiinit tigummineqartoq.
 
Folketingip ombudsmandiata pissutsit tamakku akisussaasunut isummerfigisariaqartutut qinnutigai. Ombudsmandip ilaatigut apeqqutigaa tamanna Europami Inuit Pisinnaatitaaffii pillugit isumaqatigiissummut naapertuunnersoq.
 
- Kalaallit Nunaanni pissutsit soorunami nunap inissisimanera nunallu iluani angallannikkut pissutsit pissutigalugit allaapput. Pisinnaatitaaffiit tunngaviusut malinneqartariaqarput. Qilanaarivara apeqquteqaatitta akineqarnissaat, ombudsmand Jørgen Steen Sørensen oqarpoq.
 
Ombudsmandip nittartagaa uani takuneqarsinnaavoq: www.ombudsmanden.dk