Nunatsinneersut Reykjavik International Gameseqarnerani kuultinnattut

Ivik Nielsen Reykjavik International Gamesertoqarnerani arfininngormat angutit ataasiakkaarnerini ukiut aappassaanik kuultinnappoq. Arnallu ataasiakkaarnerini piginnaaneqarluartoq Avi Rødgård aamma kuultinnappoq.

AAMMA ATUARUK Timersortartut nersornaaserneqarput

- Avip Islandimi normu 1-iusumut normu 2-jusumullu ajugaanera assut nuannaajallannarpoq (...) Angutillu unamminerini Ivik Nielsen aamma siuttuuvoq. Assamminik ajoqusersimagaluarluni ajugaalluarluni kuultinnappoq. Unammisut angusaat nuannaarutigisupilussuullugillu naammagisimaarpakka, nunanut allanut unammisartut sungiusaasuat Tommy Jørgensen taama oqarpoq.

Ivik Nielsen Kalaallit Nunaanni Timersoqatigiiffiit Kattuffiannit 'Ukiup Timersullammaatut' nersornaaserneqarpoq. Aamma aasaq Island Gameseqarnerani sølvinnappoq qatanngutinilu Aqqalu Nielsen peqatigalugu angutit marlukkuutaarnerini kuultinnalluni. Siorna upernaakkut Arctic Openimi aamma kuultinnappoq kingullermillu Reykjavik International Gameseqarmat aamma kuultinnalluni.

AAMMA ATUARUK Bordtennis-brødre overrasket over egen succes

AAMMA ATUARUK Nerrivimmi arsaararlutik nunanut allanut unammisartut angusarissaartut