Nunat Avannarliit Killiit Islandimi ataatsimiilerput

Allattoq Carla Davidsen
aggustip 19-at 2005 12:26

Nunat avannarliit killiit suleqatigiinnerat, aalisarnermut politikki EU-lu oqaluuserisassanut ilaapput, Nunat Avannarliit Killiit Siunnersuisoqatigiiffiat Islandimi Isafjordurimi ataasinngornerpamiit ataatsimiilerpat.

Siunnersuisoqatigiit juunimi ataatsimeersuartitsipput, ataatsimiinnermilu isumaqatigiisutigineqarpoq nunat avannarliit killiit aalisarnikkut suleqatigiinnerat nukittorsarneqassasoq, minnerunngitsumik EU-mik suleqateqarneq eqqarsatigalugu.

Siunnersuisoqatigiit Islandimi ataasinngorpamiit ataatsimiinnissaanni isumaqatigiisutaasut piviusunngortinniarneqassapput.

Nunat Avannarliit Killiit suleqatigiinneranni pingaaruteqartut, soorlu, takornariaqarneq angallannerlu pillugit Siunnersuisoqatigiit Islandimi naalakkersuisunut inassuteqareerput.

Siunnersuisoqatigiit Islandimi naalakkersuisut inappaat Islandip Narsarsuullu akornanni timmisartukkut aqqummik tapersersuittuinnaqqullugit.

Narsarsuarmiit Islandimut aqqut pillugu ukiuni pingasuni isumaqatigiissut ukioq mannamut killeqarpoq.

Nukissiuuteqarnikkut suleqatigiinneq, silaannaq avatangiisillu pillugit suleqatigiinnerit kiisalu peqqinnissakkut naligiissitaanikkullu pissutsit, Siunnersuisoqatigiit ataatsimiinnissaanni aamma sammineqassapput.

Islandimiut kalaallit Savalimmiormiullu inatsisartui tamarmik arfilinnik Nunat Avannarliit Killiit Siunnersuisoqatigiiffianni ilaasortaatitaqarput. Norsket inatsisartuini ilaasortat ataatsimiinnissami peqataasitaqassapput.

Inatsisartuni siulittaasoq Jonathan Motzfeldt Nunat Avannarliit Killiit Siunnerusisoqartigiiffiata siulittaasoqarfianni ilaasortaavoq.