Nunat avannarliit 2018-imi Avatangiisinut nersornaasiuttagaat Attumi siunnersuisunut tunniunneqarpoq

Attumi pinngortitami isumalluutit pillugit siunnersuisut, Nunat avannarliit 2018-imi Avatangiisinut nersornaasiuttagaannik ippassaq nersornaaserneqarput.
Kong Harald aamma Mette Marit Assi © : Sara Johannessen / norden.org
Statsminister Erna Solberg aamma Per Ole Frederiksen Assi © : Sara Johannessen / norden.org
Assi © : Sara Johannessen / norden.org
Assi © : Sara Johannessen / norden.org
Assi © : Sara Johannessen / norden.org
Taseq sikoqalersimavoq, Attu oktobarip 24-at 2010 Assi © : Guldborg Bjarnov Marcussen
Allattoq Jonas Fievé
oktobarip 31-at 2018 06:34
Nutserisoq Bikki P. Kleist

Nunat avannarliit Siunnersuisooqatigiivisa, Oslomi 70-issaannik ataatsimiinnerannut atatillugu nersornaat 350.000 koruuninik aningaasartaqartoq tunniunneqarpoq.

Pinngortitami isumalluutit pillugit siunnersuisut, tassaapput piniartut aalisartullu taakkua ilaatigut pinngortitami takusaminnik nalunaarsuillutik uppernarsaasiortut.

AAMMA ATUARUK Attumi siunnersuisoqatigiit nersornaammut piukkunneqartut

Pinngortitamut, Avatangiisinut Ilisimatusarnermullu Naalakkersuisoq Siverth K. Heilmann oqaaseqarpoq:

- Pinngortitami isumalluutit pillugit siunnersuisut takutissimavaat, qanoq innuttaasut, pisortat aamma ilisimatuut, ilisimasaminnik ataqatigiissitsisinnaanersut, qanimullu suleqatigiissinnaanersut, pinngortitamut aamma isumalluutinut uumassusilinnut iluaqutaasumik, inernerit pitsaanerpaat anguniarlugit, Siverth K. Heilmann oqarpoq, nangillunilu:

- Nunatsinnut ulloq pingaartorujussuuvoq aamma tulluusimaarnartuuvoq, aamma nuannaarutigaara suliniut maannakkut nunat avannarliit tamakkerlugit ilisimaneqalissammat, Pinngortitamut, Avatangiisinut Ilisimatusarnermullu Naalakkersuisoq Siverth K. Heilmann oqarpoq.

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq