Nunasiaanermi pisunit eqqugaasimasut ilisimatusartup oqaluttuartikkusukkai
Danmarkimi ilisimatusartoq atuakkiortorlu Anne Kirstine Hermann inuit eqitserutitsinermik politikkimik, nuutsitaanermik, meeraanermi misileraatigineqarnermik inatsisitigulluunniit ataataqanngitsunik ujarlerpoq.
- Kalaallit kinguaariit danskit Kalaallit Nunaannut politikkiannik sakkortunerpaamik misigisaqarsimasut maanna utoqqalipput immaqalu aamma peerutereerlutik, taakkualu oqaluttuassartaasa kingusinaannginnermi katersorneqarnissaat pisariaqarpoq, Anne Kirstine Hermann tusagassiorfinnut nalunaarummi taama allappoq.
Anne Kirstine Hermann Nunatta nunasiaataaneranit, sorsunnersuup aappaata kingorna Danmarkimi amtitut inissisimalernisaata nalaani pisunik atuakkiulerpoq.
Naalagaaffiit Peqatigiit allagaatinut toqqorsiviini misissuisoq
Anne Kirstine Hermannip Naalagaaffiit Peqatigiit New Yorkimi allagaatinut toqqorsivianni Kalaallit Nunaata Danmarkimut ilanngunneqarnerani politikkikkut pisimasut piffissami kingullermi misissuiffigai.
- Qanorluunnit Danmarkimut Kalaallit Nunaannullu isumaqartoqaraluarpat, pingaaruteqarpoq ukiuni taakkunani pisut aalajangiisuulluinnartut danskit kalaallillu kinguaassaasa paasissagaat, nunaqqatitta misigisimasaat imaluunniit iliuuserisimasaat. Taamaattumik assorujussuaq neriuuteqarpunga, danskit politikkiata kingunerisaanik pinngitsaalisaanermik naapertuilluanngitsuliornermillu misigisaqarsimasut oqaluttuarusussasut, Anne Kirstine Hermann oqarpoq.
Anne Kirstine Hermann oqarasuaatikkut +45 27 59 19 10-kkut imaluunniit mailikkut ahermann@ruc.dk-kkut attavigineqarsinnaavoq. Aamma nunatsinni suleqataa Oline Inuusuttoq Olsen oqarasuaatikkut 58 34 30-kkut attavigineqarsinnaavoq.
