Nunarput pillugu filmiliat pisoqqat siunissamut isumannaarneqartut
Filmit pineqartut tassaapput takornarianut ussassaarutit, qaammarsaanermut tunngassuteqartut, piviusulersaarutit innuttaasullu nammineerlutik filmiliaat. 1930-ikkunnit 1970-ikkut tungannut nunatta Namminersornerulernermut ingerlavigisaanut tunngassuteqarput. Immiussat ilarpassui nunatsinni inuussutissarsiornermut aamma tunngassuteqarput.
- Filmit Europamiunut nunarsuarmioqatigiinnullu soqutiginartuupput, minnerunngitsumik silap pissusianut nunarsuarmilu naalakkersuinikkut ingerlatsinermut tunngatillugu, soorlu aamma taama suliniuteqartoqarneratigut Kalaallit Nunaata kulturikkut kingornussassami pissarsiarinissaannut pigisarilernissaannullu annertuumik periarfissiissasoq, Det Danske Filminstituttip katersugaasiviani pisortaq, Thomas C. Christensen, taama oqarpoq.
AAMMA ATUARUK Filmworkshoppen aqutsisortaarpoq
Filmit digitalinngortinnerisigut immiussat pitsaanerusumik paarineqarsinnaalissapput.
Aammattaaq kalaallisut oqaasertalersorlugit nunatsinni siammarterneqarsinnaanngussapput.
Filminik immiussanillu nunatsinneersunik digitalinngortitsineq ukiaru aallartissaaq, ilarpassuilu www.danmarkpaafilm.dk-mi nassaarineqarsinnaassapput. Filmit nunatsinneersut pisoqqat arlalissuit tassani pigineqareerput.
