Nunamineralsip akiliisinnaajunnaarnissamik qinnuteqaatini utertikkaa

NunaMineralsimi aqutsisut Greenland Mining Managementillu, GMM-ip, akornanni oqaloqatigiinnerit ima ingerlalluartigaat ingerlatseqatigiiffiup akiliisinnaajunnaartutut nalunaarumalluni qinnuteqarnini maanna utertillugu.

Allattoq Camilla Dam

maajip 15-at 2015 11:06

Nutserisoq Simon Uldum -

Taarsiullugu NunaMinerals akilersuinermik unitsitsivoq. Aatsitassarsioqatigiiffik tusagassiorfinnut nalunaaruteqarluni taama allappoq.

- NunaMineralsip isumaa malillugu, taamatut ineriartortoqarnera NunaMineralsimut piffissaq ungasinnerusoq eqqarsaatigalugu aaqqiissuteqarnissamik kinguneqaratarsinnaavoq, taamaammat ingerlatseqatigiiffiup akiliisinnaajunnaartutut nalunaarumalluni qinnuteqaatini utertippaa akilersuinermillu unitsitsikkut akiligassaqarfiit illersorneqarnissaannik qinnuteqarluni, taamaaliornikkut NunaMineralsip ingerlatseqatigiiffiullu akiligassaqarfiisa piginneqataassutinillu pigisaqartut akornanni isumaqatigiinniarnerit naammassineqarnissaannut GMM piffissaqartikkumallugu, tusagassiorfinnut nalunaarummi tamanna atuarneqarsinnaavoq.

Aamma atuaruk GMM-ip NunaMinerals annaanniarsaraa

Aatsitassarsiornermik suliniutinut aningaasalersuisartup, Patrick Newmanip GMM siuttuuffigaa, taassumalu NunaMineralsimi pisortaq Ole Christiansen pisortaqatigiillu sinneri annaassiniarnissamut pilersaarut pillugu isumaqatigiinniarfigissavai. Tamatuma kingorna annaassiniarnissamut pilersaarutaasup ingerlanneqarnissaanut akiligassaqarfigineqartut isumaqatigiissuteqarfiginiarneqassapput imaluunniit akuersitinniarneqarlutik.

- NunaMineralsip GMM-illu akornanni aaqqissuusseqqinnissamik isumaqatigiissut Namminersorlutik Oqartussanit Greenland Holding A/S-imillu akuersaarneqaqqaartariaqartoq NunaMineralsimi piginneqataassutinik pigisaqartut ikinnerpaamik 2/3-liisa imaluunniit 9/10-liisa akuereqqaartariaqarpaat, piginneqatigiit aningaasaliissutaat ataatsimeersuarnermilu taasisinnaatitaasut tunngavigalugit.

Aamma atuaruk Nunaminerals akiliisinnaajunnarluni nalunaarutigineqarnissaannut Koreamiut ambassadøria malinnaavoq

- Taamaammat siunnersuut ataatsimeersuarnermi ingerlatseqatigiiffimmi piginneqataassuteqartunut saqqummiunneqassaaq, NunaMinerals taama ilisimatitsivoq.

Namminersorlutilli Oqartussat, Greenland Holdningip piginneqataassutinillu pigisallit allat aaqqissuusseqqinnissamik isumaqatigiissummik akuersissanersut suli nalorninarallarpoq.